ഗോഹട്ടി: ആസാമിൽ മൂന്നു നിയമസഭാ മണ്ഡലങ്ങളിലെ നാല് ബൂത്തുകളിൽ റീ പോളിംഗിന് തെരഞ്ഞെടുപ്പ് കമ്മിഷൻ ഉത്തരവിട്ടു.
ബിജെപി എംഎൽഎയുടെ കാറിൽ വോട്ടിംഗ് യന്ത്രം കണ്ടെത്തിയ സംഭവത്തെത്തുടർന്നു വിവാദത്തിലായ രാധാബാരിയിലും സോനയ്, ഹഫ്ലോംഗ് എന്നിവിടങ്ങളിലും 20 നു രാവിലെ ഏഴുമുതൽ വൈകുന്നേരം ആറുവരെ പോളിംഗ് നടത്താനാണു നിർദേശം.
പാതാർകണ്ടിയിലെ ബിജെപി സ്ഥാനാർഥിയും എംഎൽഎയുമായ കൃഷ്ണേന്ദു പാലിന്റെ കാറിൽനിന്ന് വോട്ടിംഗ് മെഷീൻ കണ്ടെത്തിയ സംഭവത്തിലാണു രാധാബാരിയിലെ 149 ാം നന്പര് ബൂത്തിൽ റീ പോളീംഗിനു നിർദേശം. സംഭവത്തിൽ നാല് ഉദ്യോഗസ്ഥരെ തെരഞ്ഞെടുപ്പ് കമ്മിഷൻ സസ്പൻഡ് ചെയ്തിരുന്നു.
കാറിൽ വോട്ടിംഗ് യന്ത്രം കണ്ടെത്തിയ സംഭവം: റീ പോളിംഗിന് ഉത്തരവ്
12:44 AM Apr 11, 2021 | Deepika.com