ഹേമന്ത് സോറന്റെ പിന്തുണ തേടി മമത
12:32 AM Mar 08, 2021 | Deepika.com
ന്യൂഡൽഹി: ബംഗാളിൽ തൃണമൂൽ കോൺഗ്രസിനുവേണ്ടി പ്രചാരണം നടത്താൻ ജാർഖണ്ഡ് മുഖ്യമന്ത്രി ഹേമന്ത് സോറനോടു മമത ബാനർജി അഭ്യർഥിച്ചു. ഇക്കാര്യത്തിൽ ഉടൻ തീരുമാനമുണ്ടാകുമെന്ന് ജെഎംഎം വൃത്തങ്ങൾ അറിയിച്ചു. ബംഗാളുമായി അതിർത്തി പങ്കിടുന്ന സംസ്ഥാനമാണു ജാർഖണ്ഡ്. ജാർഖണ്ഡിൽ കോൺഗ്രസുമായി അധികാരം പങ്കിടുന്ന പാർട്ടിയാണു ജെഎംഎം. കോൺഗ്രസിന്റെ സഖ്യകക്ഷികളായ ആർജെഡി, ശിവസേന എന്നിവയും സമാജ്വാദി പാർട്ടിയും തൃണമൂൽ കോൺഗ്രസിനു പിന്തുണ പ്രഖ്യാപിച്ചിരുന്നു.