ന്യൂഡൽഹി: കേരളം ഉൾപ്പെടെയുള്ള സംസ്ഥാനങ്ങളിൽ നിയമസഭാ തെരഞ്ഞെടുപ്പ് നടക്കുന്നതു പരിഗണിച്ച് പാർലമെന്റിന്റെ ബജറ്റ് സമ്മേളനത്തിന്റെ രണ്ടാഘട്ടം വെട്ടിച്ചുരുക്കിയേക്കും. പാർലമെന്റ് സമ്മേളനം വെട്ടിച്ചുരുക്കണമെന്ന് രാജ്യസഭാ അധ്യക്ഷൻ എം. വെങ്കയ്യ നായിഡുവിനോടും ലോക്സഭാ സ്പീക്കർ ഓം ബിർളയോടും പ്രതിപക്ഷ നേതാക്കൾ ആവശ്യപ്പെട്ടിട്ടുണ്ട്. തെരഞ്ഞെടുപ്പു പ്രചാരണവുമായി ബന്ധപ്പെട്ട തിരക്കുകൾ ചൂണ്ടിക്കാട്ടിയാണ് ബിജെപി നേതാക്കൾ ഈ ആവശ്യം ഉന്നയിച്ചിരിക്കുന്നത്. കേരളം, പശ്ചിമബംഗാൾ, ആസാം, തമിഴ്നാട്, പുതുച്ചേരി എന്നിവിടങ്ങളിലാണ് മാർച്ച് 27 മുതൽ തെരഞ്ഞെടുപ്പ് ആരംഭിക്കുന്നത്.
പാർലമെന്റ് സമ്മേളനത്തിന്റെ രണ്ടാംഘട്ടം ഏപ്രിൽ 18നാണ് അവസാനിക്കുന്നത്. ബജറ്റ് സമ്മേളനത്തിന്റെ രണ്ടാംഘട്ടം രണ്ടാഴ്ചക്കാലത്തേക്ക് മാത്രമേ ഉണ്ടാകൂ എന്നാണു സൂചനകൾ. എംപിമാർ ഉൾപ്പടെയുള്ളവർ കോവിഡ് വാക്സിൻ സ്വീകരിച്ചതിന് ശേഷമായിരിക്കും സമ്മേളനം തുടങ്ങുക.
ബജറ്റ് സമ്മേളനം വെട്ടിച്ചുരുക്കും
12:32 AM Mar 08, 2021 | Deepika.com