തേജ്പൂർ: ആസാമിൽ കോൺഗ്രസ് നേതൃത്വത്തിലുള്ള സർക്കാർ അധികാരത്തിലെത്തിയാൽ പൗരത്വ നിയമം അസാധുവാക്കാനുള്ള പുതിയ നിയമം കൊണ്ടുവരുമെന്ന് കോൺഗ്രസ് ജനറൽ സെക്രട്ടറി പ്രിയങ്കഗാന്ധി. തെരഞ്ഞെടുപ്പ് പ്രചരണാർഥം തേജ്പൂരിൽ നടത്തിയ പൊതുസമ്മേളനത്തിൽ പ്രസംഗിക്കുകയായിരുന്നു പ്രിയങ്ക.
രാജ്യത്ത് എല്ലായിടത്തും പൗരത്വ നിയമം നടപ്പിലാക്കുന്നതിനെക്കുറിച്ച് ബിജെപി സംസാരിക്കുന്നുണ്ടെങ്കിലും ആസാമിലെത്തുന്പോൾ മൗനം പാലിക്കുകയാണ്. സംസ്ഥാനത്ത് ഈ വിഷയം സംസാരിക്കാൻ ബിജെപി ഭയപ്പെടുകയാണെന്നും പ്രിയങ്ക പറഞ്ഞു. കോൺഗ്രസ് അധികാരത്തിലെത്തിയാൽ വീട്ടമ്മമാർക്ക് എല്ലാ മാസവും 2000 രൂപ വീതം നല്കും. എല്ലാ വീടുകളിലും സൗജന്യമായി 200 യൂണിറ്റ് വൈദ്യുതി നല്കുമെന്നും പ്രിയങ്ക അറിയിച്ചു.
ആസാമിൽ പ്രിയങ്കയുടെ വാഗ്ദാനപ്പെരുമഴ
01:57 AM Mar 06, 2021 | Deepika.com