ന്യൂഡൽഹി: ഓവർസീസ് ഇന്ത്യൻ സിറ്റിസണ്ഷിപ്പ് (ഒസിഐ) കാർഡ് ഉടമകൾക്ക് ഇന്ത്യയിൽ മിഷനറി, തബ്ലീഗ്, മാധ്യമ പ്രവർത്തനം എന്നിവയ്ക്ക് പ്രത്യേക അനുമതി വേണമെന്ന് കേന്ദ്ര ആഭ്യന്തര മന്ത്രാലയം. ഇത്തരം പ്രവൃത്തികൾക്കായി ഇന്ത്യയിലേക്ക് വരാൻ ആഗ്രഹിക്കുന്നവർ ഫോറിൻ റീജണൽ രജിസ്ട്രേഷൻ ഓഫീസിന്റെ പ്രത്യേക അനുമതി വാങ്ങണം. ഗവേഷണം, വിദേശ ബന്ധമുള്ള ഇന്റേൺഷിപ്പ് എന്നിവയുമായി ബന്ധപ്പെട്ട് നിയന്ത്രിത മേഖലകൾ സന്ദർശിക്കുന്നതിനും ഒസിഐ കാർഡ് ഉടമകൾക്ക് പ്രത്യേക അനുമതി ആവശ്യമാണ്.
സ്ഥിരമായി ഇന്ത്യയിൽ താമസിക്കുന്ന ഒസിഐ കാർഡ് ഉടമകൾ സ്ഥിരം മേൽവിലാസത്തിൽ മാറ്റം ഉണ്ടായാൽ ഫോറിൻ റീജിയണൽ രജിസ്ട്രേഷൻ ഓഫീസറെ ഇ മെയിൽ മുഖേന അറിയിച്ചിരിക്കണം. ആഭ്യന്തര വിമാന യാത്ര നിരക്കുകളിലും ദേശീയ പാർക്കുകൾ, വന്യജീവി സങ്കേതങ്ങൾ, ദേശീയ സ്മാരകങ്ങൾ, ചരിത്ര സ്മാരകങ്ങൾ, മ്യൂസിയങ്ങൾ എന്നിവയിൽ ഒസിഐ കാർഡ് ഉടമകൾ ഇന്ത്യൻ പൗരൻമാർക്ക് തുല്യമായ നിരക്കുകൾ നൽകിയാൽ മതി.
ഒസിഐ കാർഡ് ഉടമകൾക്കു പ്രത്യേക പ്രവർത്തനാനുമതി വേണമെന്നു കേന്ദ്രം
01:56 AM Mar 06, 2021 | Deepika.com