ചണ്ഡിഗഡ്: തെരഞ്ഞെ‌ടുപ്പു തന്ത്രജ്ഞൻ പ്രശാന്ത് കിഷോർ പഞ്ചാബ് മുഖ്യമന്ത്രി അമരീന്ദർ സിംഗിന്‍റെ മുഖ്യ ഉപദേഷ്ടാവായി നിയമിതനായി. അമരീന്ദർ സിംഗ് ട്വിറ്ററിലൂടെയാണ് ഇക്കാര്യം അറിയിച്ചത്. അടുത്ത വർഷം പഞ്ചാബ് നിയമസഭാ തെരഞ്ഞെടുപ്പ് നടക്കാനിരിക്കേയാണ് ഈ നീക്കം.
2017 പഞ്ചാബ് തെരഞ്ഞെടുപ്പിൽ കോൺഗ്രസിന്‍റെ പ്രചാരണം കൈകാര്യം ചെയ്തത് പ്രശാന്ത് കിഷോറായിരുന്നു. 117 അംഗ നിയമസഭയിൽ കോൺഗ്രസിന് 77 സീറ്റ് ലഭിച്ചിരുന്നു. നിലവിൽ പ്രശാന്തിന്‍റെ കന്പനിയായ ഇന്ത്യൻ പൊളിറ്റിക്കൽ ആക്‌ഷൻ കമ്മിറ്റി ബംഗാളിൽ തൃണമൂൽ കോൺഗ്രസിന്‍റെ തെരഞ്ഞെടുപ്പ് പ്രചാരണത്തിനു സഹായം നല്കിവരികയാണ്.
പ്രശാന്ത് കിഷോർ അമരീന്ദറിന്‍റെ മുഖ്യ ഉപദേഷ്ടാവ്
11:02 PM Mar 01, 2021 | Deepika.com