ന്യൂഡൽഹി: മുഖ്യമന്ത്രി പിണറായി വിജയനെതിരേ ആരോപണമുള്ള ലാവ്ലിൻ കേസ് സുപ്രീം കോടതി ഇന്ന് പരിഗണിക്കും. ജസ്റ്റീസ് യു.യു. ലളിത് അധ്യക്ഷനായ മൂന്നംഗ ബെഞ്ചാണ് കേസ് പരിഗണിക്കുന്നത്. പലതവണ അവധിക്കു വയ്ക്കുകയും ബെഞ്ച് മാറുകയും ചെയ്തതിനു ശേഷമാണ് കേസ് ഇന്നു വീണ്ടും ജസ്റ്റീസ് ലളിത് അധ്യക്ഷനായ ബെഞ്ചിന്റെ പരിഗണനയ്ക്കെത്തുന്നത്.
പിണറായി വിജയൻ അടക്കമുള്ളവരെ വെറുതെവിട്ട ഹൈക്കോടതി ഉത്തരവിനെതിരേ സിബിഐ ഉൾപ്പെടെയുള്ളവർ നൽകിയ ഹർജികളാണ് സുപ്രീം കോടതി പരിഗണിക്കുന്നത്. കഴിഞ്ഞ തവണ ഹർജികൾ പരിഗണിച്ചപ്പോൾ 2017 മുതൽ ജസ്റ്റീസ് എൻ.വി. രമണ അധ്യക്ഷനായ ബെഞ്ച് പരിഗണിച്ച ഹർജികളാണിതെന്നു ജസ്റ്റീസ് ലളിത് ചൂണ്ടിക്കാട്ടുകയും അതേ ബെഞ്ചു തന്നെ ഹർജിയിൽ വാദം കേൾക്കുമെന്നും അറിയിച്ചിരുന്നു. എന്നാൽ, വീണ്ടും ഹർജികൾ ജസ്റ്റീസ് ലളിതിന്റെ ബെഞ്ചിലേക്കാണ് ലിസ്റ്റ് ചെയ്തിരിക്കുന്നത്.
ലാവ്ലിൻ കേസ് ഇന്നു പരിഗണിക്കും
12:24 AM Sep 30, 2020 | Deepika.com