ന്യൂഡൽഹി: കിഴക്കൻ ലഡാക്കിൽ കൂടുതൽ യുദ്ധടാങ്കുകൾ വിന്യസിച്ച് ഇന്ത്യ. എഎൻഐ വാർത്താ ഏജൻസിയാണ് ഇക്കാര്യം റിപ്പോർട്ട് ചെയ്തത്. ടി-72 ,ടി-90 ടാങ്കുകൾ, ബിഎംപി-2 ഇൻഫന്ററി വാഹനങ്ങൾ എന്നിവയാണു ചുമാർ-ഡെംചോക് മേഖലയിൽ വിന്യസിച്ചിരിക്കുന്നത്.
മൈനസ് 40 ഡിഗ്രിയിൽ പോലും പ്രവർത്തിക്കുന്നവയാണു ബിഎംപി-2 വാഹനങ്ങൾ. ദുർഘടമായ ഭൂപ്രദേശത്ത് ശക്തമായ സൈനികവിന്യാസം നടത്തിയെന്നു മേജർ ജനറൽ അരവിന്ദ് കപൂർ പറഞ്ഞു. ഈ മേഖലയിൽ ടാങ്കുകളും യുദ്ധോപകരണങ്ങളും വലിയ തോക്കുകളും സൂക്ഷിക്കുന്നത് ഏറെ ബുദ്ധിമുട്ടാണെന്നും അദ്ദേഹം പറഞ്ഞു.
കിഴക്കൻ ലഡാക്കിൽ പാങ്ങോംഗ് തടാകത്തിനു സമീപമാണു ചൈന കടന്നുകയറ്റശ്രമം നടത്തുന്നത്. ഏപ്രിൽ, മേയ് മാസങ്ങളിൽ ആരംഭിച്ച അതിർത്തി സംഘർഷം അഞ്ചുമാസം പിന്നിട്ടിട്ടും തുടരുകയാണ്.
കിഴക്കൻ ലഡാക്കിൽ കൂടുതൽ ടാങ്കുകൾ വിന്യസിച്ച് ഇന്ത്യ
12:43 AM Sep 28, 2020 | Deepika.com