ബംഗളൂരു: നാളെ രാത്രി ചന്ദ്രഗ്രഹണം. അന്തരീക്ഷം മേഘാവൃതമല്ലെങ്കിൽ ഇതു കേരളത്തിലും കാണാം. രാത്രി 11.15 മുതൽ പുലർച്ചെ 2.34 വരെയാണു ഗ്രഹണസമയം.
ചന്ദ്രൻ ഭാഗികമായി നിഴൽ മൂടിയ (പെനംബ്രൽ) ഗ്രഹണമാണ് നാളെ രാത്രിയിലേത്. ഇനി ജൂലൈ അഞ്ചിനും നവംബർ 30-നും ചന്ദ്രഗ്രഹണം നടക്കുമെങ്കിലും അവ കേരളത്തിൽ ദൃശ്യമല്ല.
ഭൂമിയുടെ നിഴൽ ചന്ദ്രനിൽ പതിച്ചാണ് ചന്ദ്രഗ്രഹണം സംഭവിക്കുക. പൗർണമി (വെളുത്തവാവ്) ദിനങ്ങളിലാണ് ഇതു സംഭവിക്കുന്നത്.
ഈ മാസം 21-നു സൂര്യഗ്രഹണമുണ്ട്. ഉത്തരേന്ത്യയിൽ ദൃശ്യമാകുന്ന ഇത് വലയഗ്രഹണമാണ്. ചന്ദ്രബിംബം സൂര്യബിംബത്തെ പൂർണമായി മറയ്ക്കാതെ വരുന്പോഴാണ് വലയഗ്രഹണം സംഭവിക്കുക. രാവിലെ 9.15 മുതൽ ഉച്ചകഴിഞ്ഞ് 3.04 വരെയാണു സൂര്യഗ്രഹണം.
നാളെ രാത്രി ചന്ദ്രഗ്രഹണം
12:51 AM Jun 04, 2020 | Deepika.com