മുംബൈ: മഹാരാഷ്ട്രയിൽ കോവിഡ് ബാധിച്ച് ഇന്നലെ 122 പേർ മരിച്ചു. ഒരു ദിവസത്തെ ഏറ്റവും ഉയർന്ന മരണനിരക്കാണിത്. ആകെ മരണം 2650 ആയി. ഇന്നലെ 2587 പേർക്കുകൂടി രോഗം സ്ഥിരീകരിച്ചതോടെ ആകെ രോഗികൾ 74,860 ആയി. 32,329 പേർ രോഗമുക്തരായി.
39,935 പേരാണു ചികിത്സയിലുള്ളത്. ഇന്നലെ മുംബൈയിൽ 49 പേരും പൂനയിൽ 19 പേരും മരിച്ചു. മഹാരാഷ്ട്രയിൽ മുംബൈ കഴിഞ്ഞാൽ കോവിഡ് വ്യാപനം രൂക്ഷമായ പൂനയിൽ ആകെ രോഗികൾ 7390 ആണ്. 343 പേരാണു പൂനയിൽ മരിച്ചത്. ഗുജറാത്തിൽ ഇന്നലെ 30 പേർ മരിച്ചു. ആകെ മരണം 1122. ഇന്നലെ 485 പേർക്കുകൂടി രോഗം സ്ഥിരീകരിച്ചു.
മഹാരാഷ്ട്രയിൽ 122 മരണം, രോഗികൾ എഴുപത്തിഅയ്യായിരത്തിലേക്ക്
12:51 AM Jun 04, 2020 | Deepika.com