പാറ്റ്ന: ബിഹാറിലേക്ക് മടങ്ങുന്ന അതിഥിത്തൊഴിലാളികൾ 14 ദിവസത്തെ ഇൻസ്റ്റിറ്റ്യൂഷൻ ക്വാറന്റൈനു പോകുന്നതിനുള്ള രജിസ്ട്രേഷൻ സംവിധാനം റദ്ദാക്കി. ബിഹാറിൽ കോവിഡ്-19 വ്യാപിക്കുന്നതിന് ഇതു വഴിയൊരുക്കുമെന്ന് ആശങ്കയുണ്ട്.
ക്വാറന്റൈനുള്ള രജിസ്ട്രേഷൻ റദ്ദാക്കിയതായി ദുരന്തനിവാരണ വകുപ്പ് അറിയിച്ചു. 14 ദിവസത്തെ ക്വാറന്റൈൻ പൂർത്തിയാക്കി രാജ്യത്തിന്റെ വിവിധ ഭാഗങ്ങളിൽനിന്നു മടങ്ങിയെത്തിയ 8.77 ലക്ഷം പേർ നാട്ടിലേക്ക് മടങ്ങി. 5.30 ലക്ഷം പേർ ഇപ്പോൾ ക്വാറന്റൈൻ കേന്ദ്രങ്ങളിൽ കഴിയുന്നുണ്ട്. സഞ്ചാരത്തിനുള്ള വിലക്ക് രാജ്യത്ത് പിൻവലിച്ചതിനെത്തുടർന്നാണ് പുതിയ തീരുമാനമെന്ന് ദുരന്തനിവാരണ വകുപ്പ് അറിയിച്ചു.
ക്വാറന്റൈൻ രജിസ്ട്രേഷൻ ബിഹാർ നിർത്തലാക്കി
01:02 AM Jun 03, 2020 | Deepika.com