മുംബൈ: മഹാരാഷ്ട്രയില് കോവിഡ് ബാധിതരുടെ എണ്ണം 41,642 ആയി. ഇന്നലെ 2345 പേര്ക്കു രോഗം സ്ഥിരീകരിച്ചു. ഇന്നലെ 64 പേരാണു മരിച്ചത്. സംസ്ഥാനത്ത് ആകെ മരണം 1454 ആയി. ബുധനാഴ്ച മഹാരാഷ്ട്രയില് 65 പേര് മരിച്ചിരുന്നു. തുടര്ച്ചയായ അഞ്ചാം ദിവസമാണു സംസ്ഥാനത്ത് രണ്ടായിരത്തിലേറെ പേര്ക്കു രോഗം സ്ഥിരീകരിച്ചത് ആശങ്ക വര്ധിപ്പിച്ചിരിക്കുകയാണ്. ഇന്നലെ മുംബൈയില് മാത്രം 41 പേര് മരിച്ചു.
കോവിഡ് വ്യാപനം അതിതീവ്രമായ മുംബൈയിലെ മൂന്നു പ്രധാന ആശുപത്രികളിലേക്ക് മൂന്ന് ഐഎഎസ് ഉദ്യോഗസ്ഥരെ നിയോഗിച്ചു. നായര് ആശുപത്രിയില് മദന് നഗര്ഗോജെ, കെഇഎം ആശുപത്രിയില് അജിത് പാട്ടീല്, സയണ് ആശുപത്രിയില് ബാലാജി മന്ജുളെ എന്നീ ഐഎഎസുകാരെയാണ് നിയമിച്ചിരിക്കുന്നത്. ഇന്നലെ പൂനയില് നാല്പ്പത്തിമൂന്നുകാരനായ പോലീസുകാരന് കോവിഡ് ബാധിച്ചു മരിച്ചു. പൂനയില് കോവിഡ്മൂലം മരിക്കുന്ന രണ്ടാമത്തെ പോലീസുകാരനാണ് ഇദ്ദേഹം.
മഹാരാഷ്ട്രയില് ആകെ രോഗികള് 41,000 പിന്നിട്ടു, ഇന്നലെ 64 മരണം
01:07 AM May 22, 2020 | Deepika.com