ന്യൂഡൽഹി: വെള്ളപ്പൊക്കവുമായി ബന്ധപ്പെട്ട വിഷയം ഉന്നയിക്കുന്നതിനിടെ പ്രസംഗം വെട്ടിച്ചുരുക്കിയതിന്റെ പേരിൽ രാജ്യസഭയിൽ കോണ്ഗ്രസ് എംപിയുടെ ബഹിഷ്കരണം. കർണാടകയിൽ നിന്നുള്ള അംഗം ബി.കെ. ഹരിപ്രസാദാണ് രാജ്യസഭ ചെയർമാൻ ഉപരാഷ്ട്രപതി എം. വെങ്കയ്യ നായിഡുവിനെതിരേ പ്രതിഷേധിച്ചത്.
ശൂന്യവേളയിലാണ് ഹരിപ്രസാദ് വിഷയം ഉന്നയിച്ചത്. കർണാടകയിലുണ്ടായ വെള്ളപ്പൊക്കത്തിൽ കർഷകർക്ക് വലിയ നാശനഷ്ടമുണ്ടായെന്നും സംസ്ഥാന സർക്കാർ ഒരു നടപടിയുമെടുത്തില്ലെന്നുമായിരുന്നു ഹരിപ്രസാദിന്റെ സബ്മിഷൻ. വിഷയം വിശദീകരിക്കുന്നതിനിടെ ഇടയ്ക്കു വച്ച് സഭാധ്യക്ഷൻ മൈക്ക് ഓഫ് ചെയ്തെന്നും ഹരിപ്രസാദ് ആരോപിച്ചു.
പ്രസംഗം വെട്ടിച്ചുരുക്കി; കോണ്ഗ്രസ് എംപി രാജ്യസഭ ബഹിഷ്കരിച്ചു
12:23 AM Nov 28, 2019 | Deepika.com