പ്വൈ പ്പിൻ: പള്ളിപ്പുറം മഞ്ഞുമാത ബസിലിക്കയിൽ കെസിബിസി കിസ്മാറ്റിക് കമ്മീഷന്റെ നേതൃത്വത്തിൽ ഫാത്തിമമാതാ തിരുസ്വരൂപത്തിന് സ്വീകരണം നൽകി. അയ്യന്പിള്ളി ജനതയിലെ യാക്കോബായ ദേവാലയത്തിന് മുന്നിൽനിന്നു തിരുസ്വരൂപത്തെ സ്വീകരിച്ചു ബസിലിക്കയിലേക്ക് ആനയിച്ചു.
നൂറിൽപരം ഇരുചക്രവാഹനങ്ങൾ അകന്പടിയായി. ബസിലിക്ക കവാടത്തിൽ റെക്ടർ ഫാ. ജോണ്സണ് പങ്കേത്ത്, കുടുംബയൂണിറ്റ് പ്രതിനിധികൾ എന്നിവർ ചേർന്നു തിരുസ്വരൂപത്തിൽ ഹാരാർപ്പണം നടത്തി. കോട്ടപ്പുറം രൂപതാ മെത്രാൻ അഭിവന്ദ്യ ജോസഫ് കാരിക്കാശേരി സന്ദേശം നൽകി.
തോമസ് പുത്തൻപുരയ്ക്കൽ, ഡോണ്സാവിയോ, റൈജു രണ്ടുതൈക്കൽ എന്നിവർ നേതൃത്വം നൽകി. തിരുസ്വരൂപം വണക്കത്തിനുശേഷം പുത്തൻവേലിക്കരയിലേക്ക് പ്രയാണം ആരംഭിച്ചു.
ഫാത്തിമമാതാ തിരുസ്വരൂപത്തിനു വരവേൽ
04:01 AM Oct 26, 2017 | Deepika.com