കോയന്പത്തൂർ: കോയന്പത്തൂരിന്റെ യോഗ മുത്തശി പത്മശ്രീ നാനമ്മാൾ (99) വിടവാങ്ങി. വാർധക്യസഹജമായ അസ്വസ്ഥതകളെ തുടർന്ന് ശനിയാഴ്ച്ച ഉച്ചയ്ക്ക് 12.30ന് അത്തിപ്പാളയത്തെ മകളുടെ വീട്ടിൽ വെച്ചായിരുന്നു മരണം.
പൊള്ളാച്ചി ജമീൻകാളിയാപുരം സ്വദേശിയായ നാനമ്മാൾ എട്ടാം വയസു മുതലാണ് യോഗ അഭ്യസിച്ചു തുടങ്ങിയത്. അന്പതിലേറെ യോഗാസനങ്ങളിൽ വിദഗ്ധയാണ് നാനമ്മാൾ. നാരി ശക്തി അവാർഡ്, കർണാടക ഗവണ്മെന്റിന്റെ യോഗ രത്ന അവാർഡ് എന്നിവ നേടിയിട്ടുള്ള നാനമ്മാളിന്റെ രാജ്യം പത്മശ്രീ നൽകി ആദരിച്ചിട്ടുണ്ട്. തുടിയല്ലൂരിലെ വൈദ്യുത ശ്മശാനത്തിൽ മൃതദേഹം സംസ്ക്കരിച്ചു. സാമൂഹിക രാഷ്ട്രീയ രംഗത്തെ ഒട്ടേറെപ്പേർ സംസ്ക്കാര ചടങ്ങിൽ പങ്കെടുത്തു. നാലു പെണ്മക്കൾ ഉൾപ്പെടെ ആറു മക്കളുണ്ട്.
കോയന്പത്തൂരിന്റെ യോഗ മുത്തശി പത്മശ്രീ നാനമ്മാൾ അന്തരിച്ചു
12:22 AM Oct 28, 2019 | Deepika.com