ന്യൂഡൽഹി: അയോധ്യ കേസിൽ മധ്യസ്ഥസമിതി തയാറാക്കിയ ഒത്തുതീർപ്പ് നിർദേശങ്ങൾ ചോർന്നതിനെതിരേ മുസ്ലിം സംഘടനകൾ.
മധ്യസ്ഥ സമിതിയുടെ നടപടികളും ശിപാർശകളും തികച്ചും രഹസ്യമായിരിക്കണമെന്നായിരുന്നു സുപ്രീംകോടതിയുടെ ഉത്തരവ്. മധ്യസ്ഥസമിതിയുടെ ചർച്ചകളിൽ പങ്കെടുത്തവരോ അല്ലെങ്കിൽ സമിതി അംഗങ്ങൾ തന്നെയോ ഈ ഉത്തരവ് ലംഘിച്ചിട്ടുണ്ടോയെന്നു കണ്ടെത്തണം.
കേസിലെ അന്തിമവാദം പൂർത്തിയാക്കുന്നതിനു തൊട്ടുമുന്പ് റിപ്പോർട്ട് ചോർന്ന സമയവും പ്രധാനമാണ്.
മധ്യസ്ഥസമിതിയിൽ അംഗമായ അഭിഭാഷകൻ ശ്രീരാം പഞ്ചുവിന്റെ പേരെടുത്തു പറയാതെയാണ് മുസ്ലിം സംഘടനകൾ ഇക്കാര്യം പ്രസ്താവനയിൽ പറഞ്ഞത്.
അയോധ്യ: റിപ്പോർട്ട് ചോർന്നതിനെതിരേ മുസ്ലിം സംഘടനകൾ
12:13 AM Oct 19, 2019 | Deepika.com