ചങ്ങനാശേരി: അധികാരത്തോടും പണത്തോടും നിർവികാരത പുലർത്തുന്നവർക്കേ നല്ല നേതാവാകാൻ കഴിയുകയുള്ളൂവെന്ന് മുൻ ഡിജിപി ഡോ. അലക്സാണ്ടർ ജേക്കബ് . സർഗക്ഷേത്ര പ്രഫഷണൽ ഫോറത്തിന്റെ നേതൃത്വത്തിൽ നടത്തിയ ലീഡേഴ്സ് മീറ്റ് 2017-ൽ പരിശീലന പരിപാടി നയിക്കുക യായിരുന്നു അദ്ദേഹം. ദീർഘ വീക്ഷണത്തോടെയുള്ള പ്രവർത്തനങ്ങളാണ് നേതാക്കൾക്കുണ്ടാവേണ്ടതെന്നും നേതൃസിദ്ധികൾ ക്രമാനുഗതമായി വളർത്തിയെടുക്കുവാൻ യത്നിക്കണമെന്നും അദ്ദേഹം കൂട്ടിച്ചേർത്തു. നേതൃത്വം സമൂഹനന്മയ്ക്ക് എന്നതായിരുന്നു ലീഡേഴ്സ് മീറ്റിന്റെ മുദ്രാവാക്യം.
പ്രഫഷണൽ ഫോറം പ്രസിഡന്റ് ഡോ.ആന്റണി തോമസ് അധ്യക്ഷത വഹിച്ചു. സർഗക്ഷേത്ര രക്ഷാധികാരി ഫാ. സെബാസ്റ്റ്യൻ അട്ടിച്ചിറ അനുഗ്രഹ പ്രഭാഷണം നടത്തി. ഡയറക്ടർ ഫാ. അലക്സ് പ്രായിക്കളം, ജനറൽ കണ്വീനർ വി.ജെ. ലാലി, സർഗക്ഷേത്ര കണ്വീനർ ജിജി കോട്ടപ്പുറം, സെക്രട്ടറി വർഗീസ് ആന്റണി, റോയി തോമസ് എന്നിവർ പ്രസംഗിച്ചു. ത്രിതല പഞ്ചായത്ത്, മുനിസിപ്പൽ ജനപ്രതിനിധികൾ, രാഷ്ട്രീയ, സാമൂഹിക, മത, സമുദായ പ്രസ്ഥാനങ്ങളുടെ നേതാക്കൾ, സഹകരണസംഘം പ്രവർത്തകർ, റസിഡന്റ്സ് അസോസിയേഷൻ ഭാരവാഹികൾ, കുടുംബശ്രീ, സ്കൂൾ,കോളജ്, വിവിധ ക്ലബ്ബുകൾ, സ്ത്രീ, യുവജന, വിദ്യാർഥി സംഘടനകൾ, ട്രേഡ് യൂണിയൻ, കർഷക സംഘടനകൾ, വ്യാപാരികൾ, വ്യവസായികൾ തുടങ്ങിയവർ പങ്കെടുത്തു.
സി.ജെ. ജോസഫ്, ജോർജ് വർക്കി, തോമസുകുട്ടി പി.കെ., സിബിച്ചൻ തരകൻപറന്പിൽ, ജോർജ് കല്ലറയ്ക്കൽ, ജോസുകുട്ടി കുട്ടംപേരൂർ, ജോണിക്കുട്ടി സ്കറിയ, ഡോ. ജയിംസ് മണിമല, മറ്റപ്പള്ളി ശിവശങ്കരപ്പിള്ള, എം.എ. ദേവസ്യാ, വിജി ഫിലിപ്പ്, പി.എ. നൗഷാദ്,കെ.വി. മണികണ്ഠൻ, ഷൈനി ജോണ്സണ്, സോജൻ പ്ലാപ്പറന്പിൽ എന്നിവർ നേതൃത്വം നൽകി.
അധികാരത്തോടു നിർവികാരത പുലർത്തുന്നവർക്കേ നല്ല നേതാവാകാൻ കഴിയൂ: ഡോ. അലക്സാണ്ടർ ജേക്കബ്
12:21 AM Oct 19, 2017 | Deepika.com