കാഷ്മീരിൽ ഭീകരനെ ഏറ്റുമുട്ടലിൽ വധിച്ചു
01:13 AM Jun 27, 2019 | Deepika.com
ശ്രീനഗർ: കാഷ്മീരിൽ അൻസാർ ഗസ്വതുൽ ഹിന്ദ്(എജിഎച്ച്) സംഘടനയിൽപ്പെട്ട ഭീകരനെ സുരക്ഷാസേന ഏറ്റുമുട്ടലിൽ വധിച്ചു. പുൽവാമ ജില്ലയിലെ ത്രാൽ മേഖലയിലെ വനത്തിലായിരുന്നു ഏറ്റുമുട്ടൽ. ഷബീർ എന്ന ഭീകരനാണു കൊല്ലപ്പെട്ടത്. ഇയാൾ ആദ്യം ലഷ്കർ-ഇ-തൊയ്ബയിലായിരുന്നു പ്രവർത്തിച്ചിരുന്നത്. പിന്നീടാണ് എഡിഎച്ചിലേക്കു മാറിയത്.