ന്യൂഡൽഹി: വയനാടൻ എംപിയായി കോണ്ഗ്രസ് അധ്യക്ഷൻ രാഹുൽ ഗാന്ധി നാലാമതും ലോക്സഭാ അംഗമായി സത്യപ്രതിജ്ഞ ചെയ്തു. പതിനേഴാം ലോക്സഭയുടെ ആദ്യ സമ്മേളനത്തിൽ സത്യപ്രതിജ്ഞയ്ക്ക് എത്തുന്നതിനു മുൻപേ രാഹുൽ തന്റെ വസതിയിൽ അമ്മ സോണിയ ഗാന്ധിയുമായും സഹോദരി പ്രിയങ്ക ഗാന്ധിയുമായും കൂടിക്കാഴ്ച നടത്തി.
സത്യപ്രതിജ്ഞയ്ക്കു മുന്നോടിയായി താൻ പുതിയ ഇന്നിംഗ്സിനു തുടക്കം കുറിക്കുകയാണെന്നു രാഹുൽ ട്വീറ്റ് ചെയ്തു. ലോക്സഭാംഗം എന്ന നിലയിൽ എന്റെ നാലാമത്തെ അവസരമാണിത്. ഇത്തവണ വയനാട് മണ്ഡലത്തെ പാർലമെന്റിൽ പ്രതിനിധീകരിക്കുന്ന താൻ സത്യപ്രതിജ്ഞ ചെയ്യുന്നതോടെ ഒരു പുതിയ ഇന്നിംഗ്സിനാണു തുടക്കം കുറിക്കുന്നതെന്നാണ് രാഹുൽ ട്വീറ്റ് ചെയ്തത്. രാഹുൽ ഗാന്ധിയുടെ വയനാട് ട്വിറ്റർ ഹാൻഡിലിലും അദ്ദേഹം സത്യപ്രതിജ്ഞ ചെയ്യുന്ന വീഡിയോ ദൃശ്യം പോസ്റ്റ് ചെയ്തിരുന്നു.
പുതിയ ഇന്നിംഗ്സിനു തുടക്കം കുറിക്കുന്നു: രാഹുൽ ഗാന്ധി
12:49 AM Jun 18, 2019 | Deepika.com