വി. മുരളീധരൻ എ.കെ. ആന്റണിയെ സന്ദർശിച്ചു
12:18 AM Jun 10, 2019 | Deepika.com
ന്യൂഡൽഹി: കേന്ദ്ര വിദേശ, പാർലമെന്ററികാര്യ സഹമന്ത്രി വി. മുരളീധരൻ മുതിർന്ന കോണ്ഗ്രസ് നേതാവ് എ.കെ. ആന്റണിയെ സന്ദർശിച്ചു. സൗഹൃദ സന്ദർശനം ആയിരുന്നുവെങ്കിലും പാർലമെന്റ് സമ്മേളനം സുഗമമായി നടത്തുന്നതിനു കോണ്ഗ്രസിന്റെ സഹകരണം മന്ത്രി അഭ്യർഥിച്ചു. ഇന്നലെ വൈകുന്നേരം ഡൽഹി ജന്തർ മന്തർ റോഡിലെ ആന്റണിയുടെ വസതിയിൽ എത്തിയായിരുന്നു മുരളീധരന്റെ കൂടിക്കാഴ്ച.