ന്യൂഡൽഹി: ദേശീയതയാണ് ബിജെപിയുടെ ജനിതക ഘടനയെന്നും സ്വതന്ത്ര ഇന്ത്യയുടെ നൂറാം വാർഷികം വരെ തങ്ങൾ ഇന്ത്യ ഭരിക്കുമെന്നും ബിജെപി ജനറൽ സെക്രട്ടറി റാം മാധവ്. ഏറ്റവും കൂടുതൽ കാലം കേന്ദ്രം ഭരിച്ച പാർട്ടിയെന്നു കോണ്ഗ്രസിന്റെ റിക്കാർഡ് ബിജെപി തകർക്കുമെന്നും റാം മാധവ് ത്രിപുരയിൽ പറഞ്ഞു.
കഴിഞ്ഞ അഞ്ചു വർഷം കൊണ്ട് ബിജെപി രാജ്യത്ത് അഴിമതി ഇല്ലാതാക്കി. ശക്തമായ ഇന്ത്യയെ കെട്ടിപ്പടുത്തു. സാന്പത്തിക സ്ഥിരത കൈവരിച്ചു. സൈനിക നേട്ടങ്ങൾ ഒരിക്കലും ബിജെപി തെരഞ്ഞെടുപ്പു വിജയത്തിനായി ഉപയോഗിക്കില്ലെന്നും റാം മാധവ് അവകാശപ്പെട്ടു.
സ്വതന്ത്ര ഇന്ത്യയുടെ നൂറാം വാർഷികം വരെ ഭരിക്കും: ബിജെപി
01:32 AM Jun 09, 2019 | Deepika.com