ന്യൂഡൽഹി: കോൺഗ്രസിന്റെ സോഷ്യൽ മീഡിയ വിഭാഗം ഇൻ ചാർജ് ദിവ്യ സ്പന്ദന അവരുടെ ട്വിറ്റർ അക്കൗണ്ട് ഡിലീറ്റ് ചെയ്തു. അക്കൗണ്ടിലെ ഹിസ്റ്ററിയും നീക്കം ചെയ്തിട്ടുണ്ട്. ഇതിനെത്തുടർന്ന് അവരുടെ വിവാദപരമായ ഒരു ട്വീറ്റും മൈക്രോ ബ്ലോഗിംഗ് സൈറ്റായ ട്വിറ്ററിൽ ലഭിക്കില്ല.
ദിവ്യയുടെ ഓഫീഷൽ അക്കൗണ്ട് നീക്കം ചെയ്യുകയും വെരിഫൈഡ് പേജിലെ ട്വിറ്റുകൾ ഡിലീറ്റ് ആക്കുകയുമാണ് ചെയ്തത്. കഴിഞ്ഞ ലോക്സഭാ തെരഞ്ഞെടുപ്പിലും കോൺഗ്രസിന്റെ സോഷ്യൽ മീഡിയ വിഭാഗത്തെ നയിച്ചത് ദിവ്യയായിരുന്നു. സംഭവത്തെക്കുറിച്ച് കോൺഗ്രസോ ദിവ്യയോ പ്രതികരിച്ചിട്ടില്ല.
കോൺഗ്രസ് സോഷ്യൽ മീഡിയ വിഭാഗം മേധാവി ദിവ്യ സ്പന്ദന ട്വിറ്റർ അക്കൗണ്ട് ഡിലീറ്റ് ചെയ്തു
12:15 AM Jun 03, 2019 | Deepika.com