കട്ടപ്പന: പോലീസ് ഓഫീസേഴ്സ് അസോസിയേഷൻ, പോലീസ് അസോസിയേഷൻ ജില്ലാ കമ്മിറ്റികൾ സംയുക്തമായി ഇന്ന് രാവിലെ 11.30-ന് കട്ടപ്പന പോാലീസ് സ്റ്റേഷൻ അങ്കണത്തിൽ യാത്രയയപ്പ് സമ്മേളനവും കുറ്റാന്വേഷണത്തിൽ മികവുതെളിയിച്ച സഹപ്രവർത്തകർക്കുള്ള അനുമോദന യോഗവും കുടുംബ സഹായനിധി വിതരണവും സംഘടിപ്പിക്കും.
വൈദ്യുതി മന്ത്രി എം.എം. മണി ഉപഹാര സമർപ്പണവും സമ്മേളനോദ്ഘാടനവും നിർവഹിക്കും. കെ.വി. വിശ്വനാഥൻ അധ്യക്ഷത വഹിക്കും. സർവീസിൽനിന്ന് വിരമിക്കുന്ന എസ്ഐ ജോയ്സ് അപ്രേമിന് യാത്രയയപ്പും ഹാഷീഷ് ഓയിൽ ഉൾപ്പെടെയുള്ള കേസുകൾ അന്വേഷിക്കുന്നതിൽ മികവുതെളിയിച്ച ഉദ്യോഗസ്ഥർക്കുള്ള അനുമോദനവും നടക്കും. കഞ്ഞിക്കുഴി പോലീസ് സ്റ്റേഷനിലെ എസ്ഐയായിരുന്ന കെ.സി. ലോറൻസിന്റെ കുടുംബാംഗങ്ങൾക്കുള്ള സഹായനിധി വിതരണവും ഇതോടൊപ്പം നടക്കും.
പോലീസ് ഓഫീസേഴ്സ് അസോ. യാത്രയയപ്പു സമ്മേളനവും അനുമോദന യോഗവും
09:04 PM Sep 24, 2017 | Deepika.com