ന്യൂഡൽഹി: യുപിയിലെ അമേഠി മണ്ഡലത്തിൽ കോണ്ഗ്രസ് അധ്യക്ഷൻ രാഹുൽഗാന്ധി പരാജയപ്പെട്ടു. കേന്ദ്രമന്ത്രി സ്മൃതി ഇറാനിയാണു രാഹുലിനെ 49,702 വോട്ടിനു പരാജയപ്പെടുത്തിയത്. 2004, 2009, 2014 തെരഞ്ഞെടുപ്പുകളിൽ രാഹുൽഗാന്ധി അമേഠിയിൽനിന്നു വൻ ഭൂരിപക്ഷത്തിൽ തെരഞ്ഞെടുക്കപ്പെട്ടിരുന്നു. കഴിഞ്ഞതവണ സ്മൃതി ഇറാനിയെ 1,07,903 വോട്ടിനു പരാജയപ്പെടുത്തിയിരുന്നു.
ലോക്സഭാ തെരഞ്ഞെടുപ്പു ചരിത്രത്തിലെ കേരളത്തിന്റെ റിക്കാർഡ് ഭൂരിപക്ഷവുമായാണ് രാഹുൽ വയനാട്ടിൽ ജയിച്ചത്. 4,31,770 വോട്ടിന്റെ ഭൂരിപക്ഷം. രാഹുലിന് 7,06,367 വോട്ട് ലഭിച്ചപ്പോൾ എൽഡിഎഫിലെ പി.പി. സുനീറിന് 2,74,597 വോട്ടും ബിഡിജെഎസിലെ തുഷാർ വെള്ളാപ്പള്ളിക്ക് 78,809 വോട്ടും ലഭിച്ചു.
അമേഠിയിൽ തോല്വി, വയനാട്ടിൽ വിജയം
02:40 AM May 24, 2019 | Deepika.com