ന്യൂഡൽഹി: ഡൽഹിയിൽ തെരഞ്ഞെടുപ്പു സഖ്യത്തിന് തയാറായില്ലെന്ന് ചൂണ്ടിക്കാട്ടി കോണ്ഗ്രസിനെതിരേ ഡൽഹി മുഖ്യമന്ത്രി അരവിന്ദ് കേജരിവാൾ. കേന്ദ്രത്തിൽ ഒരു തവണ കൂടി മോദി അധികാരത്തിൽ വന്നാൽ അതിന് ഉത്തരവാദി രാഹുൽ ഗാന്ധി മാത്രമായിരിക്കുമെന്ന് കേജരിവാൾ പറഞ്ഞു. ആം ആദ്മിപാർട്ടിയുടെ പ്രകടനപത്രിക പുറത്തിറക്കുന്ന ചടങ്ങിലാ ണിത്.
സഖ്യമില്ലാതെ മത്സരിച്ചാൽ ഭൂരിഭാഗം സീറ്റുകളും ബിജെപി പിടിച്ചടക്കുമെന്ന അവസ്ഥയാണ് ഡൽഹിയിലേതെന്നും വിലയിരുത്തലുണ്ട്.
ഈ തെരഞ്ഞെടുപ്പ് നിർണായകമാണെന്നും രാജ്യത്തെയും ഭരണഘടനയെയും സംരക്ഷിക്കാനുള്ളതാണെന്നും കേജരിവാൾ പറഞ്ഞു. ബിജെപി ന്യൂനപക്ഷ വിരുദ്ധ പ്രവർത്തനങ്ങളാണു നടത്തുന്നത്. തങ്ങൾ രാജ്യ താത്പര്യത്തിനാണ് മുൻഗണന നൽകുകയെന്നും മോദിയെയും അമിത് ഷായെയും അധികാരത്തിൽ നിന്ന് പുറത്താക്കുകയാണ് പ്രധാന ലക്ഷ്യമെന്നും കേജരിവാൾ പറഞ്ഞു.
സഖ്യനീക്കം പൊളിച്ചത് കോൺഗ്രസ്: കേജരിവാൾ
12:52 AM Apr 26, 2019 | Deepika.com