ശബരിമല: പുനഃപരിശോധനാ ഹർജികൾ പരിഗണിക്കുന്നതിനെക്കുറിച്ച് വ്യക്തതയില്ല

ന്യൂ​ഡ​ൽ​ഹി: ശ​ബ​രി​മ​ല​യി​ൽ യുവതികൾക്ക് പ്ര​വേ​ശ​നം അ​നു​വ​ദി​ച്ച സു​പ്രീം​കോ​ട​തി വി​ധി പു​നഃ​പ​രി​ശോ​ധി​ക്ക​ണമെന്നാ​വ​ശ്യ​പ്പെ​ട്ടു ന​ൽ​കി​യ ഹ​ർ​ജി​ക​ൾ എ​ന്നു പ​രി​ഗ​ണി​ക്കു​മെ​ന്ന​തി​ൽ വ്യ​ക്ത​ത​യി​ല്ല.

കൃ​ത്യ​മാ​യ തീ​യ​തി പ​റ​യാ​ൻ ചീ​ഫ് ജ​സ്റ്റീ​സ് ര​ഞ്ജ​ൻ ഗൊഗോ​യി ഇ​ന്ന​ലെ വി​സ​മ്മ​തി​ച്ചു. ചീ​ഫ് ജ​സ്റ്റീ​സ് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് കേ​സ് ഇ​ന്ന​ലെ ഇവ പ​രി​ഗ​ണി​ക്കു​മെ​ന്നാ​ണു നേരത്തേ പറഞ്ഞിരുന്നത്. എ​ന്നാ​ൽ, ബെ​ഞ്ചി​ൽ ഉ​ൾ​പ്പെ​ട്ട ജ​സ്റ്റീ​സ് ഇ​ന്ദു മ​ൽ​ഹോ​ത്ര മെ​ഡി​ക്ക​ൽ അ​വ​ധി​യി​ൽ ആ​യി​രു​ന്ന​തി​നാ​ൽ കേ​സ് ഇ​ന്ന​ലെ എ​ടു​ത്തി​ല്ല.

ഇ​ന്ദു മ​ൽ​ഹോ​ത്ര​യു​മാ​യി കൂ​ടി​യാ​ലോ​ചി​ക്കാ​തെ ഹ​ർ​ജി​ക​ൾ എ​ന്നു പ​രി​ഗ​ണ​ന​യ്ക്ക് എ​ടു​ക്കാ​നും എ​ന്നു വ്യ​ക്ത​മാ​യി പ​റ​യാ​നാ​കി​ല്ലെ​ന്നാ​ണ് ഇ​തു സം​ബ​ന്ധി​ച്ചു പ​രാ​മ​ർ​ശം ന​ട​ത്തി​യ അ​ഭി​ഭാ​ഷ​ക​നോ​ട് ചീ​ഫ് ജ​സ്റ്റീ​സ് പ​റ​ഞ്ഞ​ത്. ജ​സ്റ്റീ​സ് ഇ​ന്ദു മ​ൽ​ഹോ​ത്ര അ​വ​ധി ക​ഴി​ഞ്ഞു വ​ന്ന ശേ​ഷ​മേ തീ​യ​തി നി​ശ്ച​യി​ക്കൂ​വെ​ന്നും ചീ​ഫ്ജ​സ്റ്റീ​സ് അ​റി​യി​ച്ചു. ഇ​ന്ദു മ​ൽ​ഹോ​ത്ര ഈ ​മാ​സം ജ​നു​വ​രി 30 വ​രെ അ​വ​ധി​യാ​ണ്.

കേ​സ് അ​ടു​ത്ത​മാ​സം എ​ട്ടി​നു പ​ര​ിഗ​ണി​ക്കാ​ൻ നി​ശ്ച​യി​ച്ച​താ​യി സു​പ്രീം​കോ​ട​തി​യു​ടെ വെ​ബ്സൈ​റ്റി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. എ​ങ്കി​ലും എ​ട്ടി​നു പ​രി​ഗ​ണി​ക്കു​മോ എ​ന്ന കാ​ര്യ​ത്തി​ൽ ഇ​ന്ന​ലെ​യും സു​പ്രീം​കോ​ട​തി​യി​ൽ നി​ന്ന് യാ​തൊ​രു ഉ​റ​പ്പും ഉ​ണ്ടാ​യി​ട്ടി​ല്ല.