ജയ്പുർ: രാജസ്ഥാൻ പ്രതിപക്ഷനേതാവായി മുൻ മന്ത്രി ഗുലാബ് ചന്ദ് കഠാരിയയെ തെരഞ്ഞെടുത്തു. രാജേന്ദ്ര റാത്തോഡ് ആണ് ഉപനേതാവ്. നിയമസഭാ കക്ഷിയോഗത്തിൽ മുൻ മുഖ്യമന്ത്രി വസുന്ധര രാജെ സിന്ധ്യ ആണു കഠാരിയയുടെ പേര് നിർദേശിച്ചത്. എട്ടു തവണ എംഎൽഎയായിട്ടുള്ള കഠാരിയ(74) ആണ് പ്രോടെം സ്പീക്കർ. 1977, 1980 തെരഞ്ഞെടുപ്പുകളിൽ വിജയിച്ച കഠാരിയ 1993 മുതൽ ആറു തവണ തുടർച്ചയായി വിജയിച്ചു. മുൻ മന്ത്രിയായ രാജേന്ദ്ര റാത്തോഡ് ഏഴു തവണ എംഎൽഎയായിട്ടുണ്ട്.
മുൻ മുഖ്യമന്ത്രി വസുന്ധരാജെ സിന്ധ്യ പ്രതിപക്ഷനേതാവാകുന്നതിൽ ആർഎസ്എസിന് എതിർപ്പുണ്ടായിരുന്നു. 2003 മുഖ്യമന്ത്രിയായ വസുന്ധര 2008ൽ ബിജെപിക്ക് അധികാരം നഷ്ടമായപ്പോൾ പ്രതിപക്ഷനേതാവായിരുന്നു.
ഗുലാബ് ചന്ദ് കഠാരിയ രാജസ്ഥാൻ പ്രതിപക്ഷനേതാവ്
12:46 AM Jan 14, 2019 | Deepika.com