ന്യൂഡൽഹി: പശ്ചിമബംഗാളിലെ തൃണമൂൽ കോൺഗ്രസ് എംപി സൗമിത്ര ഖാൻ ബിജെപിയിൽ ചേർന്നു. ബിജെപി അധ്യക്ഷൻ അമിത് ഷായുമായി ചർച്ച നടത്തിയശേഷമാണു ഖാൻ ബിജെപിയിൽ ചേർന്നത്. ബംഗാളിൽ ജനാധിപത്യമില്ലെന്നും പോലീസ്രാജ് ആണെന്നും സൗമിത്ര ഖാൻ ആരോപിച്ചു.
മുപ്പത്തിയെട്ടുകാരനായ ഖാൻ ബിഷ്ണുപുർ ലോക്സഭാ മണ്ഡലത്തെയാണു പ്രതിനിധീകരിക്കുന്നത്. പാർട്ടിവിരുദ്ധ പ്രവർത്തനങ്ങളുടെ പേരിൽ ബോൽപുർ എംപി അനുപം ഹസ്രയെ പാർട്ടിയിൽനിന്നു പുറത്താക്കി. പാർട്ടി നേതൃത്വത്തിനെതിരേ പ്രസ്താവന നടത്തിയതാണു നടപടിക്കു കാരണം. ഇദ്ദേഹവും വിജെപിയിലേക്കാണെന്നാണെന്നാണൂ സുചന.
ഇത്തവണ തൃണമൂൽ കോൺഗ്രസ് ഖാന് സീറ്റ് നല്കില്ലെന്നു റിപ്പോർട്ടുണ്ടായിരുന്നു. ഇതാണു ബിജെപിയിലേക്കു ചേക്കേറാൻ കാരണം. സൗമിത്ര ഖാനെ നേരത്തേ പാർട്ടിയിൽനിന്നു പുറത്താക്കിയതാണെന്നു തൃണമൂൽ നേതൃത്വം അറിയിച്ചു.
തൃണമൂൽ എംപി സൗമിത്ര ഖാൻ ബിജെപിയിൽ
12:58 AM Jan 10, 2019 | Deepika.com