തടവുകാരൻ ഹൃദയാഘാതംമൂലം മരിച്ചു
11:42 PM Nov 14, 2018 | Deepika.com
കോയന്പത്തൂർ: സെൻട്രൽ ജയിലിലെ തടവുകാരൻ ഹൃദയാഘാതത്തെ തുടർന്നു മരിച്ചു. മധുരൈ തിരുനാവുക്കരശന്റെ മകനും കോയന്പത്തൂർ സെൻട്രൽ ജയിലിലെ ജീവപര്യന്തം തടവുകാരനുമായ രവി (56)യാണ് മരിച്ചത്. നെഞ്ചുവേദനയെ തുടർന്ന് കഴിഞ്ഞദിവസം രവിയെ ആശുപത്രിയിൽ പ്രവേശിപ്പിച്ചിരുന്നു. തുടർന്നുള്ള ചികിത്സയ്ക്കിടെയാണ് ഇയാൾ മരണമടഞ്ഞത്.