ചെന്നൈ: ചലച്ചിത്രതാരവും ഡബ്ബിംഗ് ആർട്ടിസ്റ്റുമായ ലക്ഷ്മി കൃഷ്ണ മൂർത്തി(90) അന്തരിച്ചു. ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. വാർധക്യസഹജമായ അസുഖങ്ങളെത്തുടർന്നു ദീർഘനാളായി ചികിത്സയിലായിരുന്നു.
കോഴിക്കോട് ആകാശവാണിയിൽ അനൗണ്സറും ആർട്ടിസ്റ്റുമായിരുന്നു. ആകാശവാണിയിൽനിന്നാണ് സിനിമാരംഗത്തേക്കു പ്രവേശിച്ചത്. ഹരിഹരൻ സംവിധാനം ചെയ്ത പഞ്ചാഗ്നിയിലൂടെയാണ് സിനിമയിലെ അരങ്ങേറ്റം.
വാസ്തുഹാര, തൂവൽക്കൊട്ടാരം, ഈ പുഴയും കടന്ന്, കളിയൂഞ്ഞാൽ, അനന്തഭദ്രം, വിസ്മയം, പട്ടാഭിഷേകം, പൊന്തൻമാട, സാഗരം സാക്ഷി, വിഷ്ണു, മല്ലുസിംഗ് തുടങ്ങി ഇരുപതോളം ചിത്രങ്ങളിൽ അഭിനയിച്ചിട്ടുണ്ട്. ചെന്നൈയിൽ ബസന്ത് നഗറിൽ മൃതദേഹം സംസ്കരിച്ചു.
ചലച്ചിത്ര താരം ലക്ഷ്മി കൃഷ്ണ മൂർത്തി അന്തരിച്ചു
01:07 AM Nov 11, 2018 | Deepika.com