മന്ദ്സോർ (മധ്യപ്രദേശ്): കർഷകർക്കായി ശബ്ദമുയർത്തി കോൺഗ്രസ് അധ്യക്ഷൻ രാഹുൽ ഗാന്ധി മധ്യപ്രദേശിൽ. കോൺഗ്രസ് അധികാരത്തിലെത്തിയാൽ പത്തുദിവസത്തിനുള്ളിൽ കാർഷിക കടങ്ങൾ എഴുതിത്തള്ളുമെന്നാണു കോൺഗ്രസ് അധ്യക്ഷന്റെ വാഗ്ദാനം. കാർഷികമേഖലയിലെ പ്രതിസന്ധിക്കുകാരണം കേന്ദ്ര-സംസ്ഥാനസർക്കാരുകളുടെ നയങ്ങളാണെന്നു കുറ്റപ്പെടുത്തുകയും ചെയ്തു.
"കമൽ നാഥും (മധ്യപ്രദേശ് കോൺഗ്രസ് കമ്മിറ്റി പ്രസിഡന്റ്) ജ്യോതിരാദിത്യ സിന്ധ്യയും (സംസ്ഥാന തെരഞ്ഞെടുപ്പ് പ്രചാരണ കമ്മിറ്റി ചെയർമാൻ) ഇവിടെയുണ്ട്. ഞാൻ കർഷകർക്ക് ഉറപ്പു നൽകുന്നു. കാർഷികകടങ്ങൾ പത്തുദിവസത്തിനകം എഴുതിത്തള്ളും, പതിനൊന്നാംദിവസത്തിലേക്കു പോവുകയില്ല’ -മന്ദ്സോറിലെ പിപ്ലിയ മണ്ഡിയിൽ പൊതുയോഗത്തിൽ രാഹുൽ പറഞ്ഞു. കാർഷികപ്രക്ഷോഭത്തിനിടെ ആറ് കർഷകർ പോലീസ് വെടിവയ്പിൽ കൊല്ലപ്പെട്ടതിന്റെ ഒന്നാംവാർഷികത്തോടനുബന്ധിച്ചായിരുന്നു പൊതുയോഗം.
അധികാരത്തിലെത്തിയാൽ 10 ദിവസത്തിനകം കാർഷിക കടങ്ങൾ എഴുതിത്തള്ളും: രാഹുൽ ഗാന്ധി
12:51 AM Jun 07, 2018 | Deepika.com