ജമ്മു: ബിഎസ്എഫിന്റെ തിരിച്ചടിയിൽ കനത്ത നാശം നേരിട്ട പാക് പട്ടാളം വെടിനിർത്തണമെന്ന് യാചിച്ചു. ബിഎസ്എഫ് ആണ് ഇക്കാര്യം അറിയിച്ചത്. കഴിഞ്ഞ ദിവസങ്ങളിൽ പാക് അതിർത്തിരക്ഷാസേന പ്രകോപനമില്ലാതെ നടത്തിയ വെടിവയ്പിൽ രണ്ടു ബിഎസ്എഫ് ജവാന്മാരും ഏതാനും നാട്ടുകാരും കൊല്ലപ്പെട്ടിരുന്നു.
ഇതിനു മറുപടിയായി പാക് പോസ്റ്റുകളെ കൃത്യമായി ലക്ഷ്യമിട്ട് ശക്തമായ തിരിച്ചടിയാണ് ബിഎസ്എഫ് നല്കിയത്. ഒരു പാക് പട്ടാളക്കാരൻ കൊല്ലപ്പെട്ടു. അതിർത്തിയിലെ ഒരു പാക് പിക്കറ്റ് തകർക്കുന്നതിന്റെ തെർമൽ ഇമേജറി ദൃശ്യവും ബിഎസ്എഫ് പുറത്തുവിട്ടു. തിരിച്ചടി കനത്തതോടെ പാക് സേന ബിഎസ്എഫിന്റെ ജമ്മു ആസ്ഥാനവുമായി ബന്ധപ്പെട്ട് വെടിവയ്പ്പ് അവസാനിപ്പിക്കാൻ യാചിക്കുകയായിരുന്നു.
ബിഎസ്എഫിനോടു വെടിനിർത്താൻ യാചിച്ച് പാക് സേന
12:45 AM May 21, 2018 | Deepika.com