ന്യൂഡൽഹി: യുഎസിലെ എച്ച്1ബി വീസക്കാരുടെ പങ്കാളികൾക്ക് തൊഴിൽ നിഷേധിക്കാനുള്ള ട്രംപ് ഭരണകൂടത്തിന്റെ നീക്കത്തിൽ പ്രധാനമന്ത്രി നരേന്ദ്ര മോദിക്കെതിരേ വിമർശനവുമായി കോൺഗ്രസ് അധ്യക്ഷൻ രാഹുൽ ഗാന്ധി. മോദിയുടെ ആലിംഗനരാഷ്ട്രീയം കൊണ്ട് അമേരിക്കൻ വീസ കിട്ടില്ലെന്ന് രാഹുൽ ട്വീറ്റ് ചെയ്തു.
അമേരിക്കൻ ഭരണകൂടത്തിന്റെ നീക്കം ഇന്ത്യക്കു വലിയ തിരിച്ചടിയാണെന്നും കൂട്ടിച്ചേർത്തു. എച്ച്1ബി വീസ പങ്കാളികൾക്കു തൊഴിലെടുക്കാനായി നല്കുന്ന എച്ച്4 വീസ പദ്ധതി നിർത്താനാണ് അമേരിക്കയുടെ നീക്കം. ഇന്ത്യക്കാരാണ് ഏറ്റവും കൂടുതൽ തിരിച്ചടി നേരിടേണ്ടിവരുക. ഈ വീസയുടെ ഗുണഭോക്താക്കളിൽ തൊണ്ണൂറ് ശതമാനവും ഇന്ത്യക്കാരാണ്.
ആലിംഗനംകൊണ്ട് അമേരിക്കൻ വീസ കിട്ടില്ല: രാഹുൽ ഗാന്ധി
12:56 AM Apr 27, 2018 | Deepika.com