ചെന്നൈ: ഇന്ത്യയുടെ രണ്ടാം ചന്ദ്ര ദൗത്യമായ ചന്ദ്രയാൻ-2ന്റെ വിക്ഷേപണം മാറ്റിവച്ചു. അടുത്ത മാസം വിക്ഷേപിക്കാനാണ് തീരുമാനിച്ചിരുന്നതെങ്കിലും വിദഗ്ധരുടെ നിർദേശപ്രകാരം നീട്ടിവയ്ക്കുകയായിരുന്നു. ഏതാനും ചില പരിശോധനകൾകൂടി നടത്തിയശേഷം ഒക്ടോബറിൽ വിക്ഷേപണം ഉണ്ടാകുമെന്ന് ഇന്ത്യൻ ബഹിരാകാശ ഗവേഷണ സംഘടന (ഇസ്രോ) ചെയർമാൻ കെ. ശിവൻ അറിയിച്ചു.
പൂർണമായും ഇന്ത്യയുടേതെന്നു വിളിക്കാവുന്ന ദൗത്യമാണ് ചന്ദ്രയാൻ-2. ഒർബിറ്റർ, ലാൻഡർ, റോവർ എന്നിവയുടെ നിർമാണവും ഇസ്രോതന്നെയാണ് പൂർത്തിയാക്കിയിരിക്കുന്നത്. ചന്ദ്രയാൻ-2 പേടകത്തിന്റെ ഭാരം 3,290 കിലോഗ്രാമാണ്. 2008ലാണ് ഇസ്രോയുടെ ആദ്യ ചന്ദ്ര ദൗത്യമായ ചന്ദ്രയാൻ-1 വിക്ഷേപിച്ചത്.
ചന്ദ്രയാൻ വിക്ഷേപണം ഒക്ടോബറിൽ
01:12 AM Mar 24, 2018 | Deepika.com