വൈപ്പിൻ: ഹർത്താൽ ദിനത്തിൽ ഞാറക്കൽ പോലീസ് സ്റ്റേഷനുമുന്നിൽ സംസ്ഥാനപാതയിലെ ഗതാഗം തടഞ്ഞതിനു കോണ്ഗ്രസ് യൂത്ത് കോണ്ഗ്രസ് നേതാക്കൾക്കെതിരേ പോലീസ് കേസെടുത്തു. കെഎസ് യു മുൻ ജില്ലാ പ്രസിഡന്റ് ടിറ്റോ ആന്റണി, കോണ്ഗ്രസ് ഐ മണ്ഡലം പ്രസിഡന്റ് സാജു മാന്പിള്ളി, ബ്ലോക്ക് പഞ്ചായത്തംഗം പ്രൈജു ഫ്രാൻസീസ്, ഗ്രാമപഞ്ചായത്തംഗങ്ങളായ പി.പി. ഗാന്ധി, എ.പി. ലാലു, യൂത്ത് കോണ്ഗ്രസ് മണ്ഡലം പ്രസിഡന്റ് ബിമൽ ബാബു, അഡ്വ. വിബിൻ എന്നിവർക്കെതിരേയാണ് കേസ്. മാലിപ്പുറത്ത് ഗതാഗതം ഉപരോധിച്ചതിനു കോണ്ഗ്രസുകാരും വെൽഫയർ പാർട്ടിക്കാരുമുൾപ്പെടെ കണ്ടാലറിയാവുന്ന 100 പേർക്കെതിരേ മറ്റൊരു കേസുമെടുത്തിട്ടുള്ളതായി പോലീസ് അറിയിച്ചു.
വൈപ്പിൻ: പ്രകടനങ്ങൾക്കിടെ പുതുവൈപ്പ് ഐഒസി വിരുദ്ധ സമരപ്പന്തലിനു തെക്ക് മാറി പാർക്ക് ചെയ്തിരുന്ന പിഡിപി നേതാവിന്റെ കാർ തകർത്ത സംഭവത്തിൽ കണ്ടാലറിയാവുന്ന അഞ്ചു പേർക്കെതിരേ ഞാറക്കൽ പോലീസ് കേസെടുത്തു. ഞായറാഴ്ച സമരത്തിനു അനുഭാവം പ്രകടിപ്പിക്കാനെത്തിയതായിരുന്നു നേതാവ്. ഞാറക്കൽ പോലീസിൽ നൽകിയ പരാതിയുടെ അടിസ്ഥാനത്തിലാണ് കേസെടുത്തത്.
ഹർത്താൽ ദിനത്തിലെ റോഡ് ഉപരോധം കോണ്. നേതാക്കൾക്കെതിരേ കേസ്
01:31 AM Jun 21, 2017 | Deepika.com