തിരുവാങ്കുളം: തിരുവാങ്കുളം സെന്റ് ജോർജ് കത്തോലിക്ക പള്ളിയിലെ കത്തോലിക്കാ കോണ്ഗ്രസ് യൂണിറ്റ് സണ്ഡേ സകൂൾ വിദ്യാർഥികൾക്കു പുസ്തകശേഖരം കൈമാറി. 110 ലേറെ പുസ്തകങ്ങളാണു ലൈബ്രറിക്കു കൈമാറിയത്.
വിശുദ്ധരുടെയും മഹത്വ്യക്തികളുടെയും ജീവചരിത്രങ്ങളും വ്യക്തിത്വവികസനത്തിനും ജീവിതവിജയത്തിനുമുതകുന്ന പ്രചോദനാത്മക ഗ്രന്ഥങ്ങളുമാണു കൈമാറിയത്. വികാരി റവ. ഡോ. സഖറിയാസ് പറനിലത്തിൽനിന്നു സണ്ഡേ സ്കൂൾ പ്രധാനാധ്യാപകൻ മാത്യു മുഞ്ഞനാട്ടും സെക്രട്ടറി സിസ്റ്റർ മരിയറ്റും പുസ്തകങ്ങൾ ഏറ്റുവാങ്ങി. കത്തോലിക്ക കോണ്ഗ്രസ് തിരുവാങ്കുളം യുണിറ്റ് പ്രസിഡന്റ് തോമസ് മലയിൽ, ജോയിന്റ് സെക്രട്ടറി ലൂയിസ് കുരിശിങ്കൽ, ട്രഷറർ വിൽസണ് കീഴാനിയിൽ എന്നിവർ പ്രസംഗിച്ചു.
കത്തോലിക്ക കോണ്ഗ്രസ് പുസ്തകശേഖരം കൈമാറി
01:31 AM Jun 21, 2017 | Deepika.com