ന്യൂഡൽഹി: കൽക്കരിപ്പാടം അഴിമതിക്കേസിൽ ജാർഖണ്ഡ് മുൻ മുഖ്യമന്ത്രി മധു കോഡയ്ക്കെതിരേ മൂന്നു വർഷം തടവും 25 ലക്ഷം പിഴയും ശിക്ഷ വിധിച്ച പ്രത്യേക കോടതി ഉത്തരവ് ഡൽഹി ഹൈക്കോടതി സ്റ്റേ ചെയ്തു. സിബിഐ കോടതി ഉത്തരവിനെതിരേ മധു കോഡ നൽകിയ ഹർജിയിലാണ് ഹൈക്കോടതിയുടെ നടപടി.
ജനുവരി 22 വരെ ശിക്ഷാ നടപടികൾ സ്റ്റേ ചെയ്ത കോടതി, ഹർജിയിൽ നിലപാടറിയിക്കാൻ സിബിഐക്ക് നോട്ടീസയച്ചു. ജനുവരി 18 വരെ മധു കോഡയ്ക്ക് ഇടക്കാല ജാമ്യവും കോടതി അനുവദിച്ചിട്ടുണ്ട്. ജാർഖണ്ഡിലുള്ള കൽക്കരി ബ്ലോക്കുകൾ കോൽക്കത്ത ആസ്ഥാനമായുള്ള വിനി അയണ് ആൻഡ് സ്റ്റീൽ ഉദ്യോഗ് ലിമിറ്റഡിനു കൈമാറിയതിൽ ക്രമക്കേടുണ്ടായ സംഭവത്തിലാണ് പ്രതി കളെ ശിക്ഷിച്ചത്.
കൽക്കരിപ്പാടം കേസ്: മധു കോഡയ്ക്ക് എതിരേയുള്ള വിധി സ്റ്റേചെയ്തു
01:06 AM Jan 03, 2018 | Deepika.com