ന്യൂഡൽഹി: താജ്മഹലിനെതിരായ ബിജെപി നേതാക്കളുടെ വിവാദ പ്രസ്താവനകൾക്ക് കടുത്ത ഭാഷയിലാണ് സമാജ് വാദി പാർട്ടി നേതാവ് അസംഖാൻ മറുപടി നൽകിയത്.
രാഷ്ട്രപതി ഭവൻ അടിമത്തത്തിന്റെ പ്രതീകമാണെന്നും തകർത്തുകളയണമെന്നുമാണ് അസംഖാൻ പറഞ്ഞത്. ബിജെപി എംഎൽഎ സംഗീത് സോമിന്റെ പേരു പറയാതെയായിരുന്നു അസംഖാന്റെ പ്രതികരണം. താജ്മഹൽ മാത്രമല്ല, പാർലമെന്റ്, രാഷ്ട്രപതി ഭവൻ, ചെങ്കോട്ട, കുത്തബ് മിനാർ ഉൾപ്പെടെ അടിമത്തത്തിന്റെ പ്രതീകമാണെന്നും ഇവ എല്ലാം നശിപ്പിക്കണമെന്നും അസംഖാൻ പറഞ്ഞു. താജ്മഹൽ പൊളിക്കാൻ യുപി സർക്കാർ തീരുമാനിച്ചാൽ പൂർണ പിന്തുണ നൽകുമെന്ന് അസംഖാൻ നേരത്തേ പറഞ്ഞിരുന്നു.
താജ്മഹൽ: അതിരു കടന്ന് അസംഖാൻ
12:30 AM Oct 18, 2017 | Deepika.com