ചണ്ഡിഗഡ്: യുവതിയെ പിന്തുടർന്നു ശല്യപ്പെടുത്തിയ കേസിൽ ഹരിയാന ബിജെപി അധ്യക്ഷൻ സുഭാഷ് ബരാലയുടെ മകൻ വികാസിനെയും സുഹൃത്ത് ആഷിഷ് കുമാറിനെയും റിമാൻഡ് ചെയ്ത കോടതി രണ്ടു ദിവസം പോലീസ് കസ്റ്റഡിയിൽ വിട്ടു. കഴിഞ്ഞ വെള്ളിയാഴ്ച ഐഎഎസ് ഉദ്യോഗസ്ഥന്റെ മകളായ വർണിക കുണ്ടു ജോലിക്കുശേഷം രാത്രി വീട്ടിലേക്ക് കാറിൽ മടങ്ങുന്പോഴായിരുന്നു സം ഭവം. പ്രതികൾ മറ്റൊരു കാറിൽ പിന്തുടർന്നു ശല്യം ചെയ്യുകയായിരുന്നു.
യുവതി നല്കിയ പരാതിയെത്തുടർന്ന് പ്രതികളെ പോലീസ് ശനിയാഴ്ച കസ്റ്റഡിയിലെടുത്തെങ്കിലും അറസ്റ്റ് രേഖപ്പെടുത്തി വിട്ടയച്ചു.സംഭവം യുവതി സമൂഹമാധ്യമത്തിൽ പോസ്റ്റ് ചെയ്തതിനെത്തുടർന്നാണ് വിവാദമായത്.
ഇതിനിടെ, പ്രതികൾ യുവതിയെ പിന്തുടരുന്നതിന്റെ സിസിടിവി ദൃശ്യങ്ങൾ പോലീസിനു ലഭിച്ചിട്ടുണ്ട്.
ഹരിയാന ബിജെപി നേതാവിന്റെ മകനും കൂട്ടുപ്രതിയും പോലീസ് റിമാൻഡിൽ
01:03 AM Aug 11, 2017 | Deepika.com