മൈസൂരു: ഗിന്നസ് ലോക റിക്കാർഡ് ലക്ഷ്യമിട്ട് യോഗാദിനമായ 21ന് മൈസൂരു ജില്ലാ ഭരണകൂടം സംഘടിപ്പിക്കുന്ന യോഗാ പ്രദർശനം റേസ് കോഴ്സിൽ നടക്കും. നേരത്തെ, മൈസൂരു കൊട്ടാരപരിസരം, ഹാർദിക് സർക്കിൾ, ഡിഡി അരശ് റോഡ്, മഹാരാജ കോളജ് മൈതാനി എന്നിവിടങ്ങളിലായി യോഗാ പ്രദർശനം നടത്താനാണ് തീരുമാനിച്ചിരുന്നതെങ്കിലും ഒറ്റ വേദിയിൽ ഏറ്റവും കൂടുതൽ പേരെ പങ്കെടുപ്പിച്ചുകൊണ്ട് റിക്കാർഡ് നേടുന്നതിനായാണ് വേദി മാറ്റിയത്. ചാമുണ്ഡി മലയടിവാരത്തിൽ 139 ഏക്കറിലായി സ്ഥിതിചെയ്യുന്ന റേസ് കോഴ്സിൽ 72,000 പേരെ ഉൾക്കൊള്ളിക്കാനാകും.
ഇതുവരെ പതിനയ്യായിരത്തോളം പേർ യോഗായിൽ പങ്കെടുക്കുന്നതിനായി രജിസ്റ്റർ ചെയ്തുകഴിഞ്ഞു. പങ്കെടുക്കാൻ ആഗ്രഹിക്കുന്നവർക്ക് 21ന് റേസ്കോഴ്സിൽ തത്സമയം രജിസ്റ്റർ ചെയ്യാനുള്ള സൗകര്യവും ഒരുക്കുന്നുണ്ട്.
റിക്കാർഡ് യോഗാ പ്രദർശനം മൈസൂരുവിൽ
12:16 AM Jun 19, 2017 | Deepika.com