കാസർഗോഡ്: സമാധാനത്തിന്റെ വഴിയിൽ വർഗീയതയുടെ വിഷം ഇറക്കി മനുഷ്യമനസുകളെ തമ്മിലടിപ്പിക്കുന്ന ഇരുട്ടിന്റെ ശക്തികൾക്കെതിരേ സൗഹൃദം കാസർഗോഡിന്റെ ആഭിമുഖ്യത്തിൽ സാംസ്കാരിക കൂട്ടായ്മ സംഘടിപ്പിച്ചു.
പുതിയ ബസ് സ്റ്റാൻഡ് പരിസരത്ത് ഒപ്പുമരച്ചുവട്ടിൽ നടന്ന സാംസ്കാരിക കൂട്ടായ്മയിൽ എഴുത്തുകാർ, കലാകാരന്മാർ, മാധ്യമ പ്രവർത്തകർ, ജില്ലാകളക്ടർ, ജില്ലാ പോലീസ് ചീഫ് തുടങ്ങി നിരവധിപേർ പങ്കെടുത്തു.
നാടകം, നാടൻപാട്ട്, കവിത, പ്രഭാഷണം എന്നിവകൊണ്ടു സന്പന്നമായ സദസ് മാനവികതയ്ക്കു വേണ്ടിയുള്ള പുതിയ മുന്നേറ്റമായി. ഡോ. അബ്ദുൾ ഹമീദ് അധ്യക്ഷത വഹിച്ചു.
ജില്ലാകളക്ടർ കെ. ജീവൻബാബു, ജില്ലാ പോലീസ് ചീഫ് കെ.ജി. സൈമണ്, എഴുത്തുകാരനും ആക്ടിവിസ്റ്റുമായ എം.എ റഹ്മാൻ, മുസ്ലിം ലീഗ് ജില്ലാ ജനറൽ സെക്രട്ടറി എം.സി. ഖമറുദീൻ, പി.എ. പൗരൻ, നാരായണൻ പേരിയ, സോളിഡാരിറ്റി സംസ്ഥാന ജനറൽ സെക്രട്ടറി സാദിഖ് ഉളിയിൽ, അമീൻഷാ കൊല്ലം, വി.വി. പ്രഭാകരൻ, പ്രസ്ക്ലബ് പ്രസിഡണ്ട് സണ്ണി ജോസഫ്, സെക്രട്ടറി രവീന്ദ്രൻ രാവണേശ്വരം, വൈസ് പ്രസിഡന്റ് ടി.എ. ഷാഫി, സി.ഷുക്കൂർ, ടി.കെ. ഹുസൈൻ, പ്രഫ.എ. ശ്രീനാഥ്, ജമാഅത്തെ ഇസ്ലാമി ജില്ലാ പ്രസിഡന്റ് കെ. മുഹമ്മദ് ഷാഫി, ലൈബ്രറി കൗണ്സിൽ പ്രസിഡന്റ് പി. ദാമോദരൻ, ഡോ. സുരേഷ് ബാബു, ഡോ.ജിതേന്ദ്ര റായ്, പി.മുഹമ്മദ് നിസാർ, വി.ഡി. ജോസഫ്, പി.എസ്. ഹമീദ്, എരിയാൽ അബ്ദുള്ള, അബ്ദുതായ്, പുഷ്പാകരൻ ബെണ്ടിച്ചാൽ, റഹീം ചൂരി, സി.എൽ. ഹമീദ്, മുജീബ് അഹമ്മദ്, വേണു കണ്ണൻ, ഹമീദ് കക്കണ്ടം, പി.ടി. ഉഷ, അന്പലത്തറ കുഞ്ഞികൃഷ്ണൻ, ഡോ.റഹീം, ഷഫീഖ് നസ്റുള്ള, ഉണ്ണികൃഷ്ണൻ എന്നിവര് സംസാരിച്ചു.
കെയർ വെൽ ആശുപത്രി ജീവനക്കാർ ലഘുനാടകം അവതരിപ്പിച്ചു. ചിലന്പൊലി നാടൻ കലാസംഘം പാട്ടുകൾ അവതരിപ്പിച്ചു.
കാസർഗോഡിന്റെ സമാധാനത്തിനു സാംസ്കാരിക പ്രതിരോധം
01:53 AM Apr 07, 2017 | Deepika.com