പ്രമാണ
പരിശോധന ഇന്ന്
കാസർഗോഡ്: നവംബർ 2016 മാസത്തിൽ നടന്ന കേരളാ ടീച്ചർ എലിജിബിലിറ്റി ടെസ്റ്റ് (കെ-ടെറ്റ്) കാഞ്ഞങ്ങാട് വിദ്യാഭ്യാസ ജില്ലയുടെ കീഴിൽ പരീക്ഷയെഴുതിയ കാറ്റഗറി 1,2,3,4 വിജയിച്ചവർക്കുളള പ്രമാണപരിശോധന ഇന്നു രാവിലെ 10 മുതൽ ഉച്ചയ്ക്ക് ഒന്നു വരെ കാഞ്ഞങ്ങാട് ജില്ലാ വിദ്യാഭ്യാസ ഓഫീസിൽ നടത്തും.
വിജയിച്ചവർ യോഗ്യതാ സർട്ടിഫിക്കറ്റിന്റെ അസലും പകർപ്പും കെ-ടെറ്റ് പരീക്ഷയുടെ ഹാൾടിക്കറ്റും റിസർവേഷനിൽ പരീക്ഷയെഴുതിയവർ ബന്ധപ്പെട്ട സർട്ടിഫിക്കറ്റുകൾ സഹിതവും (ജാതി സർട്ടിഫിക്കറ്റ്, വികലാംഗ സർട്ടിഫിക്കറ്റ് ) ഹാജരാകണം. ഫോണ് 04672 206233.
കുടുംബശ്രീ
കമ്മ്യൂണിറ്റി
ഓർഗനൈസർ
കാഞ്ഞങ്ങാട്: കുടുംബശ്രീ ജില്ലാമിഷന്റെ നേതൃത്വത്തിൽ ദേശീയ നഗര ഉപജീവന മിഷൻ പദ്ധതി നടപ്പിലാക്കുന്നതിനായി കമ്മ്യൂണിറ്റി ഓർഗനൈസർമാരെ നിയമിക്കുന്നതിനുളള അപേക്ഷ തിയ്യതി നീട്ടി. കാഞ്ഞങ്ങാട് നഗരസഭയിൽ രണ്ടും നീലേശ്വരം നഗരസഭയിൽ ഒരു കമ്മ്യൂണിറ്റി ഓർഗനൈസറെയുമാണ് നിയമിക്കുന്നത്.
കുടുംബശ്രീ കുടുംബാംഗവും പ്ലസ് ടു യോഗ്യതയും കംപ്യൂട്ടർ പരിജ്ഞാനവുമുളള 40 വയസ്സിൽ താഴെ പ്രായമുളളവർക്ക് 15 വരെ അപേക്ഷിക്കാം. യോഗ്യതകൾ തെളിയിക്കുന്ന സർട്ടിഫിക്കറ്റുകൾ സഹിതം കുടുംബശ്രീ ജില്ലാ മിഷൻ കോ-ഓർഡിനേറ്റർ, സിവിൽ സ്റ്റേഷൻ, കാസർഗോഡ്, വിദ്യാനഗർ പി.ഒ. എന്ന വിലാസത്തിൽ അയക്കണം. ഫോണ് 04994 256111.
ആധാർ എൻറോൾമെന്റ് 18ന്
കാസർഗോഡ്: കളക്ടറേറ്റ് സ്റ്റാഫ് കൗണ്സിലിന്റെയും അക്ഷയ ജില്ലാ പ്രോജക്ടിന്റെയും നേതൃത്വത്തിൽ ഈ മാസം 18ന് രാവിലെ 10.30 മുതൽ കളക്ടറേറ്റ് എക്സിക്യുട്ടീവ് കോണ്ഫറൻസ് ഹാളിൽ ആധാർ എൻറോൾമെന്റ് ക്യാന്പ് സംഘടിപ്പിക്കും.
ആധാർ എൻറോൾമെന്റ്, ആധാർ പിവിസി കാർഡ്, പാൻകാർഡ് എന്നിവ തയാറാക്കി നൽകും. ആധാർ എൻറോൾമെന്റിനായി ഐഡി പ്രൂഫ്, അഡ്രസ് പ്രൂഫ് എന്നിവയും പാൻകാർഡ് തയാറാക്കുന്നതിനായി രണ്ടു പാസ്പോർട്ട് സൈസ് ഫോട്ടോയും ആധാർ കാർഡ് കോപ്പിയും ആധാർ പിവിസി കാർഡിനായി ആധാർ നന്പറും കൊണ്ടു വരണം.
ടെൻഡർ
ക്ഷണിച്ചു
മഞ്ചേശ്വരം: അഡീഷണൽ ഐസിഡിഎസ് ശിശുവികസന പദ്ധതി ഓഫീസ് ഉപയോഗത്തിനായി ഒരു വാഹനം വാടകയ്ക്ക് നൽകുന്നതിനു ടെൻഡർ ക്ഷണിച്ചു.
ടെൻഡർ ഫോമുകൾ സീതാംഗോളിയിലുളള ഐസിഡിഎസ് പ്രോജക്ട് ഓഫീസിൽ നിന്നും ലഭിക്കും.ടെൻഡറുകൾ ഈ മാസം 12 ന് വൈകുന്നേരം മൂന്ന് വരെ ഓഫീസിൽ സ്വീകരിക്കും. വിശദ വിവരങ്ങൾക്ക് സീതാംഗോളിയിലുളള ശിശുവികസന പദ്ധതി ഓഫീസുമായി ബന്ധപ്പെടുക. ഫോണ് 04998 245365.
ധനസഹായം ബാങ്ക്
അക്കൗണ്ട് മുഖേന
മാത്രം
കാസർഗോഡ്: തൊഴിൽ വകുപ്പ് മുഖേന വിതരണം ചെയ്യുന്ന ധനസഹായം, ക്ഷേമ പെൻഷനുകൾ ഇനി മുതൽ ഗുണഭോക്താക്കളുടെ ബാങ്ക് അക്കൗണ്ട് മുഖേനയേ വിതരണം ചെയ്യുകയുള്ളൂ. അതിനാൽ തൊഴിൽ വകുപ്പ് മുഖേന ധനസഹായമോ പെൻഷനോ കൈപ്പറ്റുന്ന എല്ലാ ഗുണഭോക്താക്കളും ആധാർ കാർഡിന്റെ പകർപ്, അക്കൗണ്ട് നന്പർ, ഐഎഫ്സി കോഡ് ഉൾപ്പെടുന്ന ബാങ്ക് പാസ് ബുക്കിന്റെ പകർപ്എന്നിവ 30നകം ജില്ലാ ലേബർ ഓഫീസിൽ ഹാജരാക്കണം.
ജില്ലാ
ശിശുക്ഷേമസമിതി
സത്യപ്രതിജ്ഞ ഇന്ന്
കാസർഗോഡ്: ജില്ലാ ശിശുക്ഷേമസമിതിയുടെ പുതിയഭാരവാഹികൾ ഇന്ന് ഉച്ചയ്ക്ക് 2.30ന് കളക്ടറേറ്റിൽ നടക്കുന്ന ചടങ്ങിൽ സത്യപ്രതിജ്ഞ ചെയ്ത് അധികാരമേൽക്കും.
ജില്ലാ കളക്ടർ കെ .ജീവൻബാബു(പ്രസിഡണ്ട്), കയ്യൂർ-ചീമേനി പഞ്ചായത്ത് മുൻ വൈസ് പ്രസിഡന്റ് എം.പി.വി. ജാനകി (വൈസ് പ്രസിഡണ്ട്), ഉദുമ പഞ്ചായത് മുൻ അംഗം മധു മുതിയക്കാൽ (സെക്രട്ടറി), കെ. വി. രമേശൻ (ജോയിന്റ് സെക്രട്ടറി), മുൻ പ്രസിഡന്റ് എം.ലക്ഷ്മി (ട്രഷറർ), എക്സിക്യുട്ടീവ് അംഗങ്ങളായി കെ.വി. കമലാക്ഷൻ, അജയ കുമാർ, കൂത്തൂർ കണ്ണൻ, പി.കെ. ലക്ഷ്മി എന്നിവരാണ് പുതിയ ഭാരവാഹികൾ. ചടങ്ങിൽ എക്സ് ഓഫീസ് അംഗങ്ങളായ ഡിഎംഒ, ഇൻഫർമേഷൻ ഓഫീസർ, എഡിസി ജനറൽ, സാമൂഹികനീതി ഓഫീസർ എന്നിവർ പങ്കെടുക്കും.
ലൈഫ് പ്രോജക്ട്:
പരിശീലനം ഇന്ന്
കാസർഗോഡ്: എംജിഎൻആർഇജിഎസ് റിവ്യൂ മീറ്റിംഗ് ഇന്ന് ഉച്ചയ്ക്ക് രണ്ടിന് കളക്ടറേറ്റ് കോണ്ഫറൻസ് ഹാളിൽ നടത്തും.
ഗ്രാമസഭ
കാസർഗോഡ്: മംഗൽപാടി പഞ്ചായത്ത് ഗ്രാമസഭകൾ ഇന്നു മുതൽ 16 വരെ വിവിധ കേന്ദ്രങ്ങളിൽ നടക്കും. മധൂർ പഞ്ചായത്ത് ഗ്രാമസഭകൾ ഇന്നു മുതൽ 19 വരെ വിവിധ കേന്ദ്രങ്ങളിൽ നടക്കും.
ഓർമിക്കാൻ
01:53 AM Apr 07, 2017 | Deepika.com