കാൻസർ നിയന്ത്രണ ബോധവത്കരണ സെമിനാർ നടത്തി
01:46 AM Apr 07, 2017 | Deepika.com
പെരുന്പടവ്:ദീപികഫ്രണ്ട്സ് ക്ലബ്, മലബാർ കാൻസർ സെന്റർ എന്നിവയുടെ സഹകരണത്തോടെ പെരുന്പടവിനെയും സമീപ പ്രദേശങ്ങളെയും കാൻസർ മുക്തമാക്കുക എന്ന ലക്ഷ്യത്തോടെ ഏകദിന കാൻസർ നിയന്ത്രണ ബോധവത്കരണ സെമിനാർ നടത്തി. സെമിനാർ ജില്ലാ പഞ്ചായത്ത് അംഗം സുമിത്ര ഭാസ്കരൻ ഉദ്ഘാടനം ചെയ്തു. ഗ്രാമപഞ്ചായത്ത് അംഗം കെ.പി. കുഞ്ഞികൃഷ്ണൻ അധ്യക്ഷത വഹിച്ചു. ദീപിക കണ്ണൂർ റസിഡന്റ് മാനേജർ ഫാ. സെബാൻ ഇടയാടിയിൽ മുഖ്യപ്രഭാഷണം നടത്തി. പദ്ധതിയുടെ പഞ്ചായത്ത്തല കൺവീനർ സണ്ണി പുല്ലുവേലിൽ, ജോസഫ് പുതുപ്പറന്പിൽ, സജി കണിയാൻപറന്പിൽ എന്നിവർ പ്രസംഗിച്ചു.സാമൂഹ്യ പരിസ്ഥിതി പ്രവർത്തകൻ സന്തോഷ് അറയ്ക്കൽ പാലക്കാട് ക്ലാസ് നയിച്ചു. പെരുന്പടവ് ഗാന്ധി സ്മരാക വായനശാല ആൻഡ് ഗ്രന്ഥാലയം, പെരുന്പടവ് ടൗൺ ജെസിഐ, വൈഎംസിഎ, ലയൺസ് ക്ലബ്, ക്രെഡിറ്റ് യൂണിയൻ, വ്യാപാരി വ്യവസായി ഏകോപനസമിതി, വൈസ്മെൻസ്, നവജോതി സ്വാശ്രയ സംഘം, റോഷൻ ചാരിറ്റബിൾ ട്രസ്റ്റ്, ജി. കാർത്തികേയൻ ചാരിറ്റബിൾ ട്രസ്റ്റ്, സാമൂഹിക പ്രതിബദ്ധരായ ഏതാനും യുവജനങ്ങൾ എന്നിവരുടെ നേതൃത്വത്തിൽ ചപ്പാരപ്പടവ് ഗ്രാമപഞ്ചായത്ത് ഒന്നാം വാർഡ് കുടുംബശ്രീ, എരമം-കുറ്റൂർ ഗ്രാമപഞ്ചായത്ത് 10, 11 വാർഡ് കുടുംബശ്രീകൾ എന്നിവയുടെ പങ്കാളിത്തത്തോടെയാണ് സമഗ്ര കാൻസർ നിയന്ത്രണ പദ്ധതി നടപ്പാക്കുന്നത്. പഞ്ചായത്ത് അംഗങ്ങളായ ജോസഫ് കട്ടത്തറ, ടി.വി. അനീഷ്, സംഘടനാ പ്രതിനിധികളായ മാത്തുക്കുട്ടി പുളിഞ്ചുവട്ടിൽ, ബിനോയി മുടയാനിക്കൽ, ഷാബു ആന്റണി, ജയിംസ് പായിക്കാട്ട്, സിബി വെള്ളാപ്പള്ളി, അഗസ്റ്റിൻ ഇല്ലിക്കൽ, ജോണി തെക്കേക്കര, രാജു വെള്ളാപ്പള്ളി, സി.കെ. ദേവസ്യ തുടങ്ങിയവർ നേതൃത്വം നൽകി.