രാ​മ​ന്ത​ളി മാ​ലി​ന്യപ്ര​ശ്നം: സ​ര്‍​ക്കാ​ര്‍ വി​ദ​ഗ്ദ സ​മി​തി​യെ നി​യോ​ഗി​ച്ചു

പ​യ്യ​ന്നൂ​ര്‍: രാ​മ​ന്ത​ളി​യി​ലെ മാ​ലി​ന്യപ്ര​ശ്നം പ​രി​ശോ​ധി​ച്ച് ഒ​രു​മാ​സ​ത്തി​ന​കം റി​പ്പോ​ര്‍​ട്ട് സ​മ​ര്‍​പ്പി​ക്കു​ന്ന​തി​നാ​യി സ​ര്‍​ക്കാ​ര്‍ വി​ദ​ഗ്ദ സ​മി​തി​യെ നി​യോ​ഗി​ച്ചു. നേ​വി​യു​ടെ നി​ല​വി​ലു​ള്ള മാ​ലി​ന്യ​ പ്ലാ​ന്‍റി​ന്‍റെ പോ​രാ​യ്മ​ക​ള്‍ പ​രി​ഹ​രി​ക്കു​ന്ന​തി​നൊ​പ്പം ആ​വ​ശ്യ​മെ​ങ്കി​ല്‍ പു​തി​യ പ്ലാ​ന്‍റ് സ്ഥാ​പി​ക്ക​ണ​മോ എ​ന്നു​ള്ള കാ​ര്യ​വും സ​മി​തി പ​രി​ശോ​ധി​ച്ചു റി​പ്പോ​ർ​ട്ട് ന​ൽ​കും.
ക​ഴി​ഞ്ഞ മാ​സം 30ന് ​പ​യ്യ​ന്നൂ​ര്‍ ന​ഗ​ര​സ​ഭാ ഹാ​ളി​ല്‍ നേ​വ​ല്‍ അ​ധി​കൃ​ത​രും വ​കു​പ്പു​ത​ല ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളു​മാ​യി മു​ഖ്യ​മ​ന്ത്രി ന​ട​ത്തി​യ ച​ര്‍​ച്ച​യി​ലു​ണ്ടാ​യ തീ​രു​മാ​ന പ്ര​കാ​ര​മാ​ണ് വി​ദ​ഗ്ദ സ​മി​തി​യെ നി​യോ​ഗി​ച്ച​ത്. വി​ദ​ഗ്ദ സ​മി​തി​യു​ടെ നി​ർ​ദേ​ശം എ​ന്താ​യാ​ലും അം​ഗീ​ക​രി​ക്കാ​മെ​ന്നു നേ​വ​ല്‍ അ​ധി​കൃ​ത​ർ മു​ഖ്യ​മ​ന്ത്രി​യു​ടെ സാ​ന്നി​ധ്യ​ത്തി​ൽ ന​ട​ന്ന ച​ർ​ച്ച​യി​ൽ ഉ​റ​പ്പ് ന​ൽ​കി​യി​രു​ന്നു. മു​ഖ്യ​മ​ന്ത്രി​യു​ടെ ശാ​സ്ത്രീ​യ ഉ​പ​ദേ​ഷ്ടാ​വ് ഡോ.​എം.​സി.​ദ​ത്ത​ന്‍, പൊ​ലൂ​ഷ​ന്‍ ക​ണ്‍​ട്രോ​ള്‍ ബോ​ര്‍​ഡ് ചെ​യ​ര്‍​മാ​ന്‍ കെ.​സ​ജീ​വ​ന്‍ എ​ന്നി​വ​ര്‍ ചെ​യ​ര്‍​മാ​ന്മാ​രും വ​ര​ങ്ങ​ല്‍ എ​ന്‍​ഐ​ടി​യി​ലെ പ്ലാ​നിം​ഗ് ഡെ​വ​ല​പ്പ്മെ​ന്‍റി​ലെ പ്ര​ഫ. ഡോ. ​കെ.​വി.​ജ​യ​കു​മാ​ര്‍, ഐ​ഐ​ടി ചെ​ന്നൈ​യി​ലെ സി​വി​ല്‍ എ​ന്‍​ജി​നിയ​ര്‍ പ്ര​ഫ. ഡോ. ​ലി​ഗി ഫി​ലി​പ്പ്, നേ​വ​ല്‍ അ​ക്കാ​ഡമി​യി​ലെ വി​ദ​ഗ്ദ​ന്‍ എ​ന്നി​വ​രു​ൾ​പ്പെ​ടു​ന്ന​താ​ണ് വി​ദ​ഗ്ദ്ധ സ​മി​തി.