ഐഎംഎയുടെ നേതൃത്വത്തിൽ ബോധവത്കരണ പരിപാടികൾ
01:34 AM Apr 07, 2017 | Deepika.com
തിരുവനന്തപുരം: ലോകാരോഗ്യ ദിനമായ ഇന്ന് ഇന്ത്യന് മെഡിക്കല് അസോസിയേഷന് തിരുവനന്തപുരം കെജിഎംഒഎ, ഇന്ത്യന് സൈക്യാട്രി സൊസൈറ്റി എന്നിയുമായി ചേര്ന്ന് ജില്ലയിൽ വിവിധ പരിപാടികള് സംഘടിപ്പിക്കുന്നു. വിഷാദ രോഗം ; നമുക്ക് സംസാരിക്കാം എന്ന വിഷയത്തെ ആസ്പദമാക്കിയാണ് ജില്ലയില് വിവിധ ഭാഗങ്ങളിലായി അവബോധ പരിപാടികള് സംഘടിപ്പിക്കുന്നത്. രാവിലെ 6.30 ന് കവടിയാര് മുതല് കനകക്കുന്ന് വരെ വാക്കത്തോണ് സംഘടിപ്പിക്കും. 7.30ന് കനകക്കുന്നില് വാഹന പ്രചാരണ ജാഥ ഫ്ളാഗ് ഓഫ് ചെയ്യും. ഇതോടൊപ്പമുള്ള സംഘം പാളയം, സ്റ്റാച്യു, തമ്പാനൂര് , തൈക്കാട്, ചാല, കിഴക്കേക്കോട്ട, പേട്ട, മെഡിക്കല് കോളജ്, മ്യൂസിയം എന്നിവിടങ്ങളില് തെരുവു നാടകം അവതരിപ്പിക്കും. മ്യൂസിയം റേഡിയോ പാര്ക്കില് വൈകുന്നേരം അഞ്ചു മുതല് എട്ടുവരെ വിഷാദ രോഗവുമായി ബന്ധപ്പെട്ട ചര്ച്ചയില് വിദഗ്ധര് പങ്കെടുക്കും.