അങ്കമാലി: തുറവൂർ സെൻറ് അഗസ്റ്റിൻസ് പള്ളിയിൽ സ്നേഹോത്സവം 2017 സംഘടിപ്പിച്ചു. വികാരി ഫാ. ജോസഫ് കൊടിയൻ പദ്ധതി ഉദ്ഘാടനം ചെയ്തു. ഇടവകയിലെ മതാധ്യാപകരുടെയും, ബ്രദേഴ്സിന്റെയും നേതൃത്വത്തിലാണ് പരിപാടി സംഘടിപ്പിച്ചത്.
ആനുകാലിക പ്രശ്നങ്ങളെ എങ്ങനെ കുട്ടികൾ അഭിമുഖീകരിക്കണം, ജീവിതത്തിൽ സന്തോഷം എത് പ്രതിസന്ധികളിലും എങ്ങനെ നിലനിർത്താം എന്നീ വിഷയങ്ങളെ അധികരിച്ച് ചർച്ച നടന്നു.
വിവിധ മത്സരങ്ങൾ ,ഗ്രൂപ്പ് അടിസ്ഥാന ചർച്ച, രോഗി സന്ദർശനം, സ്നേഹവിരുന്ന് എന്നിങ്ങനെ വിവിധ സംഘടിപ്പിച്ചു. സഹ. വികാരി ഫാ. പീറ്റർ കുരിശിങ്കൽ സമ്മാനദാനം വിതരണം നടത്തി.പ്രാധാനാധ്യാപിക സിസ്റ്റർ ടെസ്മി, കോ-ഓഡിനേറ്റർ ബ്രദർ ബിബിൻ മുളവരിക്കൽ എന്നിവർ പ്രസംഗിച്ചു. പള്ളിയങ്കണത്തിൽ നടന്ന പരിപാടിയിൽ 700 ൽ പരം കുട്ടികൾ പങ്കെടുത്തു.
തുറവൂർ പള്ളിയിൽ സ്നേഹോത്സവം
01:24 AM Apr 07, 2017 | Deepika.com