അടിമാലി: ചൊക്രമുടിയിൽ കൈയേറ്റക്കാർക്കെതിരെ പരാതി നൽകിയെന്നാരോപിച്ച് മധ്യവയസ്കനെ ഭൂമാഫിയ ആക്രമിച്ചു. ബൈസണ്വാലി മുത്തുങ്കൽ ശശി(55)നെയാണ് ആക്രമിച്ചത്. ശശി അടിമാലി താലൂക്കാശുപത്രിയിൽ ചികിത്സയിലാണ്. ബുധനാഴ്ച വൈകുന്നേരം ബൈസണ്വാലിയിൽ മണലേൽ സോമന്റെ നേതൃത്വത്തിലുള്ള മൂവർ സംഘമാണ് തന്നെ ആക്രമിച്ചതെന്ന് ശശി രാജാക്കാട് പോലീസിനു നൽകിയ പരാതിയിൽ പറഞ്ഞു.
ബുധനാഴ്ച റവന്യു സംഘം ചൊക്രമുടിയിൽ സർക്കാർ ഭൂമിയിലെ കൈയേറ്റം തിരിച്ചുപിടിച്ചിരുന്നു. ഇവിടേക്ക് മാധ്യമ പ്രവർത്തകർക്ക് എത്താൻ ശശി സൗകര്യമൊരുക്കിയെന്നാരോപിച്ചാണ് ആക്രമിച്ചതെന്ന് ശശി പറഞ്ഞു. രാജാക്കാട് പോലീസ് കേസേടുത്തു.
ഭൂമഫിയ ആക്രമിച്ചതായി പരാതി
10:31 PM Apr 06, 2017 | Deepika.com