കസ്തൂരിരംഗൻ: അന്തിമ വിജ്ഞാപനം ഉടൻ പുറപ്പെടുവിക്കണമെന്ന്
10:04 PM Apr 06, 2017 | Deepika.com
മേലുകാവ്: കസ്തൂരി രംഗൻ റിപ്പോർട്ടിൽ കേന്ദ്ര ഗവൺമെന്റ് എത്രയും വേഗം അന്തിമവിജ്ഞാപനം പുറപ്പെടുവിക്കണമെന്ന് യൂത്ത് ഫ്രണ്ട് -എം മേലുകാവ് മണ്ഡലം കമ്മിറ്റി ആവശ്യപ്പെട്ടു. ആയിരക്കണക്കിനു ചെറുകിട കർഷകരെ ബാധിക്കുന്ന ഈ പ്രശ്നത്തിന് പരിഹാരം കാണേണ്ടത് അത്യാവശ്യമാണ്. കേരളത്തിൽ നിന്നും സർവകക്ഷിസംഘം പ്രധാനമന്ത്രിയെ കണ്ട് പ്രശ്നത്തിന്റെ ഗൗരവം ബോധ്യപ്പെടുത്തണമെന്നും യോഗം അഭിപ്രായപ്പെട്ടു. മണ്ഡലം പ്രസിഡന്റ് ജിൻസ് ചീരാംകുഴി അധ്യക്ഷത വഹിച്ചു. നിയോജകമണ്ഡലം പ്രസിഡന്റ് രാജേഷ് വാളിപ്ലാക്കൽ ഉദ്ഘാടനം ചെയ്തു. ജെറ്റോ ജോസ്, സണ്ണി മാത്യു, ജോൺസൺ പാന്പയ്ക്കൽ, സിബിറ്റ് കിഴക്കേടത്ത്, ജോസ് കുര്യൻ, അഖിൽ ബാലു, സി.ജി. അനീഷ് തുടങ്ങിയവർ പ്രസംഗിച്ചു.