കോതമംഗലം: തൊടുപുഴ ന്യൂമാൻ കോളജ് അടിച്ചുതകർത്ത് ലക്ഷങ്ങളുടെ നഷ്ടം വരുത്തുകയും വൈദികനെയടക്കം പോലീസിന്റെ സാന്നിധ്യത്തിൽ മണിക്കൂറുകളോളം ബന്ധിയാക്കുകയും ചെയ്ത എസ്എഫ്ഐ നേതാക്കളെ മാതൃകാപരമായി ശിക്ഷിക്കണമെന്നു കെസിബിസി മദ്ധ്യവിരുദ്ധസമിതി കോതമംഗലം രൂപതാ കമ്മിറ്റി യോഗം സർക്കാരിനോട് ആവശ്യപ്പെട്ടു.
സമാധാന പരമായി കോളജിന്റെ പ്രവർത്തനം മുന്നോട്ടു കൊണ്ടു പോകുന്നതിനുള്ള സാഹചര്യം ഒരുക്കണമെന്നും യോഗം ആവശ്യപ്പെട്ടു. അക്രമി സംഘം ലഹരിയുടെ പിടിയിലായിരുന്നെന്നു സംശയിക്കുന്നതായും യോഗം ആരോപിച്ചു. മൂവാറ്റുപുഴ നെസ്റ്റിൽ നടത്തിയ യോഗം രൂപത ഡയറക്ടർ ഫാ.സെബാസ്റ്റ്യൻ കണിമറ്റത്തിൽ ഉദ്ഘാടനം ചെയ്തു.
രൂപത പ്രസിഡന്റ് ജെയിംസ് കോറന്പേൽ അധ്യക്ഷനായി. വൈസ് പ്രസിഡന്റ് ആന്റണി പുല്ലൻ, ബേബി സേവ്യർ, ജോബി ജോസഫ്, ഷിബു മാലിൽ, ജോളി ജോസഫ്, സുനിൽ സോമൻ, ലിൻസി കണ്ണാടൻ, ടെയിസ് മാത്യു, വിനോദ് ജോസഫ്, ജോജോ ഏബ്രഹാം, ജോസഫ് കൈതമന എന്നിവർ പ്രസംഗിച്ചു.
അക്രമികൾക്കെതിരേ കർശന നടപടി വേണം: കെസിബിസി
01:32 AM Apr 06, 2017 | Deepika.com