കഞ്ചാവുമായി രണ്ടു പേർ അറസ്റ്റിൽ
01:32 AM Apr 06, 2017 | Deepika.com
കോതമംഗലം: കഞ്ചാവുമായി രണ്ടു യുവാക്കളെ റൂറൽ എസ്പിയുടെ സ്പെഷൽ സ്ക്വാഡ് അറസ്റ്റു ചെയ്തു. കവളങ്ങാട് മുളന്പേൽ അജ്മൽ(28), ഊന്നുകൽ കതിർവേലിതണ്ട് നോക്കരയിൽ ജിതിൻ(21) എന്നിവരാണ് അറസ്റ്റിലായത്. ഇരുവരിൽ നിന്നും100 ഗ്രാം വീതം കഞ്ചാവ് കണ്ടെടുത്തു. സമാനമായ കേസിൽ നേരത്തെയും ഇവർ പിടിയിലായിട്ടുണ്ട്. രഹസ്യവിവരത്തെ തുടർന്ന് നെല്ലിമറ്റം, പുത്തൻകുരിശ് ഭാഗങ്ങളിൽ നിന്നാണ് ഇരുവരെയും പിടികൂടിയത്. പ്രതികളെ കോടതിയിൽ ഹാജരാക്കി.